Açiq mənbələrdən foto.
Bakı/09.12.21/Turan: Dekabrın 9-da səhər saatlarında Şuşa rayonunun Daşaltı kəndində bərpa işləri zamanı mina partlaması nəticəsində iki mülki şəxs həlak olub.
Daxili İşlər Nazirliyinin mətbuat xidmətinin məlumatına görə, hadisə səhər saat 9:00-da baş verib. Xidməti vəzifələrin yerinə yetirilməsi zamanı İsmayıllı rayon sakini Vüsal Hacıyev və Qobustan rayon sakini Orxan Xanətov həlak olublar.
Faktla bağlı Şuşa Rayon Prokurorluğunda araşdırma aparılır.
Noyabrın 30-da Azərbaycan Ərazlərinin Minalardan Təmizlənməsi üzrə Milli Agentlik bildirib ki, 44 günlük müharibə başa çatdıqdan sonra azad edilmiş ərazilərdə 73 dinc sakin minaya düşüb, onlardan 24-ü həlak olub. 06D-
Cəmiyyət
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
Rəy yaz