Baş nazirin müavini Abid Şərifovun Kür ovalığında 700 evin tikintisi və 1400 evin bərpası üçün vəsait ayrılması barədə bəyanatı bu məsələni daha da dolaşdırıb.
Şərifovun sözlərinə görə, vəsait FHN-ə verilib. Əvvəlki praktikadan fərqli olaraq, FHN tikinti ilə məşğul olmayacaq. Ay ərzində pulu zərərçəkən ailələrə verəcəklər ki, evlərini bərpa etsinlər.
Amma Şərifov hansı vəsaitdən söhbət getdiyini deməyib – onu kim və nə vaxt ayırıb – məlum deyil. 2010-cu ilin daşqınından ziyan çəkənlər üçün evlərin tikintisi proqramı üzərində duman daha da güclənir. Hələ də tikilən evlərin sayı, onların qiyməti, bu evlərin nə vaxt, kimin üçün, hansı vəsaitlə tikilməsində aydınlıq yoxdur.
Daşqın zonası qara çüxura çevrilib, o, külli miqdarda dövlət vəsaitini fasiləsiz olaraq udur. Yarımməxfi 197s saylı, 2010-cu ilin iyulu tarixli qərarla FHN-ə 3500 ev və sosial obyektin tikintisi üçün 200 mln manat ayrılıb. Orta hesabla 80-90 kv m sahəsi olan bir evin orta qiyməti 63 min manat (!) qiymətləndirilib. Vəsaitlər xərclənib, amma tikinti planı icra edilməyib. Bununla bağlı 30 noyabr 2011-ci ildə hökumət 1440 evin tikintisi üçün 20 mln manat ayırıb. Bu dəfə evlərin qiyməti reala yaxın - 14 min manatdır. 29 mart 2012-ci ildə prezidentin sərəncamı ilə ev və infrastruktur tikintisi üçün 50 mln manat ayrılıb. Bu yaxınlarda - iyunda parlament dövlət büdcəsinə əlavələr edib, ölkənin şimal-qərbindəki zəlzələ zonası və 2010-cu ildə su basan ərazilərə 300 mln ayırılıb. Hələ də məlum deyil, bu vəsaitin hansı hissəsi daşqından ziyan çəkənlərə ayrılıb.
On gün əvvəl Turan Agentliyinin direktoru Mehman Əliyev FHN başçısına sorğu məktubu göndərərək xahiş edib ki, tikilən evlərin sayı, qiyməti və sahibləri barədə suallara cavab verilsin. Amma bu məktub da “Kür” Vətəndaş Cəmiyyəti Qərargahının əvvəlki məktubu kimi cavabsız qalıb.
Daşqın zonasında hakimiyyətin hərəkətlərini öyrənən “Kür” Qərargahı və Milli Büdcə Qrupu 2010-cu il daşqının aradan qaldırılması üzrə dövlət proqramınının gedişində geniş korrupsiya olması barədə nəticəyə gəlib. Ona görə evlərin bərpası üzrə üçün vəsaitin zərər çəkənlərin özünə verilməsi və FHN podratçı təşkilatlarının xidmıətindən imtina edilməsinə ölkə rəhbərliyinin bu struktura inamsızlığı kimi baxmaq olar. —0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz