Daxili işlər Nazirliyi Bakıda 25 qeyri-leqal miqrantın saxlanıldığını bildirib
Bakıda müxtəlif ünvanlara polis reydləri zamanı Azərbaycan ərazisində yaşama hüququ verən sənədləri olmayan 25 əcnəbi saxlanılıb. Bu barədə Daxili İşlər Nazirliyinin məlumatında deyilir.
Araşdırma zamanı müəyyən edilib ki, həmin şəxslər dələduzluğa məruz qalıblar. Pul müqabilində onlara vəd edilib ki, Azərbaycandan tranzitlə qeyri-leqal yollarla Avropa ölkələrinə keçmələri təmin olunacaq.
Onların barəsində İnzibati Xətalar Məcəlləsinin müvafiq maddəsinə əsasən protokol tərtib edilib.
2024-cü ilin əvvəlindən Daxili İşlər Nazirliyinin Qanunsuz Miqrasiyaya Qarşı Mübarizə İdarəsinin əməkdaşları ölkə ərazisində yaşama hüququ verən sənədləri olmayan 127 əcnəbi vətəndaşı müəyyən edib. Onların barəsində müvafiq tədbirlər görülüb.
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz