Daxili İşlər Nazirliyi narkotik maddələrin və silahların müsadirə olunduğunu bildirib

Mayın 20-də polis 46 kiloqram qanunsuz narkotik maddəni dövriyyədən çıxarıb.

Daxili İşlər Nazirliyinin  mətbuat xidməti bildirib ki,  nazirliyin Baş Mütəşəkkil Cinayətkarlıqla Mübarizə İdarəsi Bakıda, eləcə də Ağcabədi, Şəmkir, Yevlax və Cəlilabad rayonlarında keçirdiyi əməliyyatlar zamanı narkotiklərin qanunsuz dövriyyəsini təşkil edənləri saxlayıb.

“Əvvəllər məhkum olunmuş Rüfət Əsədov, Fazil Əzizov və Tural Mahmudovdan ümumilikdə 30 kiloqram marixuana, Anar Abasov, Rəşad Məmmədov tanışı Murad Əsgərov və Leyla Məmmədovadan isə 16 kiloqram kokain, heroin, tiryək, metramfetamin və güclü təsir edən maddə olan 52 ədəd ekstazi həbi aşkarlanıb”, - məlumatda qeyd edilir.

Bundan əlavə, paytaxt sakinləri Zamiq Əliyev, Elməddin Abdullazadə və əvvəllər məhkum olunmuş Mahir Sadıqovdan 2 “Makarov”, 1 “Beretta” tapançası, 3 daraq və 15 ədəd patron götürülüb.