Bakı/09.06.17/Turan: Bu gün "Dayanıqlı inkişaf məqsədləri: qadınlar və inkişaf" mövzusunda müzakirələr keçirilib. Tədbirin təşkilatçısı BMT-nin Azərbaycandakı nümayəndəliyi və Dayanıqlı İnkişaf üzrə Milli Əlaqələndirmə Şurasıdır.
Müzakirələrdə məqsəd Azərbaycanın dayanıqlı inkişaf məqsədlərinə nail olması üçün qadınların cəmiyyətdə iştirakının daha da artırılması, onların səlahiyyətlərinin genişləndirlməsi və gender bərabərliyidir.
Tədbirdə elm və vətəndaş cəmiyyəti nümayəndələri iştirak ediblər.
Həmçinin qadınların inkişafda fəal iştirakı, çətinliklər və onların həlli yolları üzrə ekspertlər tərəfindən təqdimatlar edilib.
Müzakirələrdə iştirak edən Milli Əlaqələndirmə Şurasının sədri Əli Əhmədov qadınların cəmiyyətdə və hökumət strukturlarında bərabər və qərəzsiz təmsilçiliyinin davam edəcəyini bildirib.
BMT rezident əlaqələndiricisi Qulam İsaqzai bildirib ki, BMT İnkişaf Proqramı hökumət, vətəndaş cəmiyyəti və digər tərəfdaşlarla gender bərabərliyinə nail olmaqda istənilən sərhədin aradan götürülməsi məqsədilə əməkdaşlığı davam etdirəcək.
2016-cı il oktyabrın 6-da Azərbaycan prezidenti İlham Əliyev Dayanıqlı İnkişaf üzrə Milli Əlaqələndirici Şuranın yaradılması haqqında sərəncam verib. Şura Azərbaycan hökuməti adından 2017-ci ilin iyulunda Nyu-Yorkda keçiriləcək Yüksək Səviyyəli Siyasi Forum üçün Azərbaycanın Könüllü Milli Hesabatının hazırlanmasında əlaqələndirici rolunu oynayıb. -0-
Cəmiyyət
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
Rəy yaz