Ded Xasanın qətlinin ehtimal olunan təşkilatçısı öldürülüb

Moskvada Rufo Gəncinski ləqəbli “qanuni oğru” Rüfət Nəsibov güllələnib. O, Aslan Usoyanın (Ded Xasan) qətlinə bağlılıqda təqsirli bilinir.

Hüquq-mühafizə orqanlarındakı mənbə “Rosbalt”a bildirib ki, yanvarın 28-nə keçən gecə paytaxtın 

Otradnoye rayonunda küçədə R.Nəsibov güllələnib. Onun meyidini yük yerinə ataraq naməlum istiqamətə aparıblar. Xəfiyyələr cinayət barədə operativ kanallar vasitəsilə xəbər tutublar. 

Agentliyin məlumatına görə, R.Nəsibov “qanuni oğru” Rövşən Canıyevin yaxın tərəfdaşı olub. R.Canıyev “kriminal general” Aslan Usoyanın (Ded Xasan) qətlinin təşkilində əsas şübhəli şəxs hesab olunur.

“Rufo Gəncinski Canıyevin klanında güc əməliyyatlarına, o cümlədən opponentlərin aradan götürülməsinə cavabdeh olub”, - mənbə agentliyə bildirib. Onun sözlərinə görə, Usoyan öldürüldüyü zaman Nəsibov Ukrayna ərazisində olub, lakin sonra Moskvaya gəlib.

“O, paytaxtda olduğunu hər vəchlə gizlədirdi, ancaq bu, ona kömək etmədi”, -mənbə qeyd edib. “Belə güman etməyə əsas var ki, Rufo Usoyanın qətlinin hazırlanmasına bağlılığı var”, - o bildirib.

R.Nəsibov son illər R.Canıyevin iştirak etdiyi bütün tədbirlərdə gözə dəyib. Yayda bir neçə dəfə onu Lənkəranski ilə birlikdə BƏƏ ərazisində və Avropa ölkələrində digər “qanuni oğrular”la bir yerdə görüblər.-02D-