Dekabrın ikinci yarısı birincidən soyuq olacaq

Bakı/15.12.18/Turan: Dekabrın ikinci yarısında Azərbaycanda qeyri-sabit hava şəraiti gözlənilir, tez-tez yağıntı olacaq, bəzən intensiv olacaq. Bu barədə Ekologiya və Təbii Sərvətlər Nazirliyi Milli Hidrometeorologiya Departamentinin direktoru Umayra Tağıyeva cümə günü mətbuat konfransında bildirib.

Onun sözlərinə görə, dekabrın birinci yarısında Azərbaycanda havanın temperaturu iqlim normasını 2-3 dərəcə ötüb. Yağıntının miqdarı iqlim normasının 33-48%-ni təşkil edib.

Lakin ayın ikinci yarısı daha soyuq olacaq, havanın temperaturu enəcək, hava yağıntılı və küləkli olacaq.

Şimal küləyinin güclənməsi nəticəsində dekabrın 16-da havanın temperaturu kəskin enəcək, dekabrın 17-də isə +4+6 dərəcə olacaq.

Ayın üçüncü dekadasının ayrı-ayrı günlərində yağıntı intensiv xarakter ala bilər.

Ümumilikdə, sinoptiklər qışda havanın temperaturunun iqlim normasını 0,5-1,0 dərəcə ötəcəyini proqnozlaşdırırlar. Bu, şaxtalı qış ehtimalının az olması deməkdir. Ancaq vaxtaşırı havanın temperaturunun enməsinə səbəb olacaq arktik hava kütləsi daxil olacaq. Ancaq soyuq və şaxtalı günlərlə müqayisədə mülayim günlər üstünlük təşkil edəcək.

Qışda Bakıda və Abşeronda havanın orta temperaturu 3,2 dərəcə isti olacaq. Paytaxtda mülayim qış relyef və Xəzər dənizinin təsiri ilə şərtləndirilir. Odur ki, Abşeron üçün güclü şaxta xarakterik deyil, ölkənin baş hidrometeoroloqu bildirib.-06D--