![Dekan müavinini tələbələri hədələdiyinə görə cəzalandıracaqlarmı?](https://turan.az/resized/media/2017/main/012300181103-750-500-resize.webp)
Dekan müavinini tələbələri hədələdiyinə görə cəzalandıracaqlarmı?
Bu gün sosial şəbəkələrdə BDU-nun jurnalistika fakultəsinin dekan müavini Aytəkin Zeynakovanın tələbə qruplarının nümayəndələrini hədələdiyi iddia olunan beş dəqiqəlik audiyazı yayılıb.
Zeynalova olduğu iddia olunan qadın səsi qrup nümayəndələrini tələbələrdən kimsə dekan səlahiyyətlərini icra edən Cahangir Məmmədlini, Zeynalovanın özünü, Könül adlı digər dekan müavinini tənqid etməyə cürət edərsə, cəzalandırılacaqları ilə hədələyir.
Facebook-da tələbələrdən birinin “Dekanlıq hara baxır?” ifadəsi işlətməsi dekan müavinini xüsusilə qəzəbləndirir.
BDU-nun mətbuat katibi Pərvanə İbrahimova Turan-ın audioyazını şərh etmək xahişinə cavabda deyib ki, araşdırma başlayıb və bu məsələ ilə bağlı universitet rəsmi məlumat yayacaq.
Turan-ın Zeynalovanın özü ilə əlaqə saxlamaq cəhdləri nəticə verməyib.
Media hüquqları sahəsində ekspert Ələsgər Məmmədli dekan müavininin davranışını tələbələrlə “uğursuz” ünsiyyət forması adlandırıb.
“Çox təəssüf ki, belə bir vəzifə tutan pedaqoq tələbələrlə bu şəkildə davranır. Onun hədələri tələbələrin ifadə azadlığına birbaşa qəsddir.
Audioyazıdan göründüyü kimi, dekan müavininin etirazına “dekanlıq hara baxır” ifadəsi səbəb olub ki, bunda qəbahətli heç nə yoxdur.
Belə bir şeyin jurnalistika fakultəsində baş verməsi xüsusilə pisdir”, deyə Məmmədli qeyd edib.
O, bu hadisənin araşdırılmasını və təsdiq olunarsa, Zeynalovanın işdən kənarlaşdırılmasını zəruri hesab edir.
Ekspert ümid edir ki, universitet rəhbərliyi düzgün nəticə çıxaracaq və tələbələri yazının yayılmasına görə təqib etməyəcək, çünki söhbət pedaqoq tərəfindən tələbələrin hədələnməsi faktından gedir. -06C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz