Mədən Sənayesində Şəffalıq Təşəbbüsünün Koalisiya Şurası növbəti iclasını keçirib.
Turan-ın məlumatına görə, qrupun üzvü Akif Qurbanov Facebook səhifəsində bildirib ki, iclasda vacib qərarlar qəbul edilib.
A.Qurbanov qeyd edib ki, “Çoxtərəfli Qrupda Koalisiya üzvlərinin fəaliyyət Reqlamenti”nə uyğun olaraq hər ilin başlanğıcında ÇTQ-nin yeni üzvlərinin seçkisi keçirilməlidir. Bu tələbə uyğun olaraq iclasda yeni seçkilər keçirlib və Qubad İbadoğlu, İlqar Hüseynli, Nəsimi Məmmədli, Oktay Gülalıyev, Azər Rəsul və Fuad Rəsulov ÇTQ-yə üzv seçilib.
«İndi hökümət tərəfinin bu tərkiblə işləməsi məsələsi qalır. Ümidvaram hakimiyyət gerçəklikləri qəbul edib, Koalisiya üzvlərinin iradəsi əsasında seçilmiş Şura üzvlərinin gizli səsverməsilə seçilmiş bu tərkibin fəaliyyətinə əngəl törətməyəcək. Əks halda, martda gözlənilən EITI Beynəlxalq İdarə Heyətində bizi nə gözlədiyini anlamalıyıq”, deyə o bildirib.
A.Qurbanov qeyd edib ki, iclasda həmçinin yaxın zamanlarda ölkəmizə səfəri gözlənilən EITI Idarə Heyətinin sədri Fredrik Reynfeldtə ünvanlanmış müraciət qəbul edilib.
Eyni zamanda Şuranın iclasında Ramin Hacili (Avropa Hərəkatı), Rövşən Quliyev, Sadiq Aliyev, Gəray Əliyev və Məhəmməd Əsadullazadənin müraciətlərinə baxılıb və onlar gizli səsvermə ilə Koalisiya üzvü seçiliblər. 71D
İqtisadiyyat
-
Azərbaycanda polad istehsalı artmaqdadır, 2024-cü ildə 19% artaraq sənayenin sağlamlıq göstəricisi kimi qəbul edilən bu sektorda bərpa prosesini işarə edir. Tikinti və neft-qaz sənayesindən artan tələbatın dəstəklədiyi bu davamlı artım, iqtisadi dirçəliş istiqamətində daha geniş səyləri vurğulayır.
-
Energetika naziri Pərviz Şahbazov X sosial media platformasında çərşənbə axşamı Qvineya-Bisaunun xarici işlər naziri Karlos Pinto Pereyra ilə potensial enerji tərəfdaşlıqları barədə müzakirələr apardığını açıqladı. Görüş Qvineya-Bisaunun xüsusilə yaşıl enerji, dekarbonizasiya və neft-qaz sahəsində Azərbaycanın təcrübəsinə olan marağını vurğuladı.
-
Azərbaycanın strateji valyuta ehtiyatları 2024-cü ilin ilk doqquz ayında 7,3% artaraq 73,5 milyard ABŞ dollarına çatıb. Bu barədə Mərkəzi Bankın yeni dərc edilmiş "Pul Siyasəti İcmal"ında bildirilir.
-
VIII Beynəlxalq Bankçılıq Forumu Bakıda öz işinə başlayıb. Forumda regional və qlobal bank liderləri etibarlı, təhlükəsiz və davamlı bankçılığın gələcəyini müzakirə etmək üçün bir araya gəliblər. Azərbaycan Banklar Assosiasiyası (ABA), Azərbaycan Mərkəzi Bankı və Rəqəmsal İnkişaf və Nəqliyyat Nazirliyinin dəstəyi ilə keçirilən iki günlük forum yeniliklər, maliyyə texnologiyaları və ödəniş ekosisteminin inkişafı barədə dialoq üçün əsas platformadır.
Rəy yaz