Bakı/18.07.18/Turan: Dövlət Əmlak Məsələləri Komitəsi (DƏMK) Xəzər sahillərində monitorinqlər və reydlər aparır, bu barədə komitənin 18 iyul tarixli məlumatında bildirilir.
Bu tədbirlər dənizin mühafizə zolağının 20-50 metrliyində torpaq sahələrindən qanunsuz istifadə ilə bağlıdır.
Reydlər zamanı Sabunçu, Xəzər, Suraxanı və Qaradağ rayonlarında, habelə Sumqayıtda Torpaq Məcəlləsinin 46-cı maddəsinin tələblərinin pozulması faktları aşkar edilib.
Torpaq Məcəlləsinin 46-cı maddəsinə əsasən, Xəzər dənizinin (gölünün) Azərbaycan Respublikasına mənsub olan bölməsinin sahilboyu 20-50 metrlik zolağının altında olan torpaqlar yalnız dövlət ehtiyacları üçün, turizm, istirahət məqsədilə istifadə oluna bilər. Zolaq özgəninkiləşdirilə bilməz, yalnız müvafiq icra hakimiyyəti orqanının icazəsi əsasında dənizin sahilinə gediş-gəlişi məhdudlaşdırmamaq şərti ilə istifadəyə və icarəyə verilə bilər. Yalnız dövlətin iqtisadi və ya təhlükəsizlik mənafelərinin təmin edilməsi ilə əlaqədar müvafiq icra hakimiyyəti orqanının qərarı ilə həmin torpaq sahələrinə gediş-gəliş məhdudlaşdırıla bilər.
Ümumilikdə 190 monitorinq həyata keçirilib. 50 halda inzibati protokollar tərtib edilib və qanun pozucularına qarşı cərimələr tətbiq edilib. Xüsusən, qanunsuz tikinti, hasara alma, sahil ərazilərinin özbaşına ələ keçirilməsi faktları müəyyən edilib. Faktlarla bağlı materiallar DİN-ə təqdim edilib.
Xətai rayonunda Naximov küçəsində dəniz sahilinə torpaq tökülüb və beləliklə, ərazi genişləndirilib.
Bununla əlaqədar materiallar cinayət işi açılması üçün korrupsiyaya qarşı mübarizə idarəsinə verilib.
DƏMK qeyd edir ki, yuxarıda qeyd edilən faktlar təkcə vətəndaşların istirahət hüququnu pozmur, həm də turizmin inkişafına mənfi təsir göstərir.
Qanunvericiliyə 2016-cə il tarixli düzəlişlərə əsasən, torpaq qanunvericiliyinin pozulmasına görə fiziki, vəzifəli və hüquqi şəxslər üçün müvafiq olaraq 4 min, 8 min və 40 min manat cərimə müəyyən edilib.
CM-ə düzəlişlərə əsasən isə, Xəzər dənizinin 20-50 metrlik sahil zonasında torpaq sahələri ilə bağlı qanunazidd əməllər 7 ildən 10 ilə qədər həbslə cəzalandırılır. -05D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz