Bu gün səhər saatlarında “Dərinsulu Günəşli” platformasındakı qazma podratçısının bir işçisi itkin düşüb. Bu barədə “Azəri-Çıraq-Günəşli” yataqlarının işlənməsi layihəsinin əməliyyatçısı olan BP şirkətinin məlumatında deyilir.
Şirkət itkin düşmüş əməkdaşın tapılması və xilas edilməsi üçün xilasetmə xidmətini cəlb edib. Onun adı və hadisənin hansı şərtlərdə baş verməsi açıqlanmır.
Qeyd edək ki, yataq sahildən təxminən 60 km məsafədə yerləşir. Noyabrın 8-i səhər saatlarından hava şəraiti sakitdir, külək yoxdur. -02D-
Cəmiyyət
-
Oktyabrın 16-sı Bakı da daxil olmaqla, bütün Azərbaycan ərazisində yağış yağacağı gözlənilir. Ayrı-ayrı yerlərdə (Qazax-Gəncə, Naxçıvan MR, Qarabağ və Şərqi-Zəngəzur, Balakən-Şəki, Quba-Qusar, Dağlıq Şirvan, Mərkəzi Aran, Lənkəran-Astara) leysan xarakterli olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Oktyabrın 14-də Azərbaycan futbol yığması UEFA Millətlər Liqasının ev oyununda Slovakiya komandasına 1:3 hesabı ilə uduzub.
-
Tütün məmulatlarının, məişət tullantılarının ətraf mühitə atılmasına görə cərimənin məbləği artırılır. Bununla bağlı İnzibati Xətalar Məcəlləsinə dəyişikliklər Milli Məclisdə artıq birinci oxunuşda qəbul edilib. Hazırda məişət tullantılarının tutumlardan (urnalardan) kənar yerlərə atılmasına görə cərimə 50 manat təşkil edir. Dəyişikliyə əsasən, eyni əmələ görə fiziki şəxslər 300, vəzifəli şəxslər 1000, hüquqi şəxslər 4000 manat cərimə ediləcək.
-
Oktyabrın 15-də axşam paytaxtda və Abşeronda az yağıntı gözlənilir. Şimal -şərq küləyi cənub -şərq küləyinə keçəcək. Havanın temperaturu gecə müsbət 12 +16, gündüz müsbət 17 + 20 dərəcə olacaq. Rütubət gecə və gündüz 60-70 faiz olacaq.
Rəy yaz