42 saylı Sumqayıt İkinci Seçki Dairəsindən deputatlığa namizəd, müxalif ReAl hərəkatının nümayəndəsi Hafiz Babalı seçki prosesi iştirakçılarının bərabərliyinin pozulduğunu bildirib.
Onun bəyanatında qeyd edilir ki, imzalanmış imzatoplama vərəqələrini almış bütün namizədlər üçün bərabər imkanlar yaradılmalıdır. Lakin dairə seçki komissiyaları hakim partiyanın namizədlərinə münasibətdə tərəfkeşliyə yol verir.
Belə ki, namizədlərə imza vərəqələri qanunla müəyən olunan beş günün tamamında verildiyi halda, YAP namizədlərinə həmin vərəqələr bir gün ərzində təqdim olunub.
Təqdim olunmuş imza vərəqələrinə baxılma müddəti 7 gün müəyyən olunsa da, YAP namizədləri üçün sürətli keçid üçün şərait yaradılıb. Onların imza vərəqələrinin və tələb olunan digər sənədlərin lazımı ekspert və başqa təhlili aparılmır.
Nəticədə ölkə üzrə 30-dək YAP namizədi artıq qeydə alınıb. Halbuki, onların namizədliyinin irəli sürülməsindən 8 gün ötüb.
Babalı hakim partiya nümayəndələri üçün belə üstünlüklərin yaradılmasını pisləyir, MSK-nı bütün namizədlər üçün bərabər imkanların yaradılması üzrə tədbirlər görməyə çağırır. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz