Detektivlərin müəllifi futbolla məşğul olacaq

Bir neçə gündür yazıçı Çingiz Abdullayevin “Neftçi” futbol komandasının rəhbəri təyin edilməsi haqqında gəzən şaiyələr bu gün təsdiqini tapıb.

SOCAR-dakı mənbələrin məlumatına görə, dövlət neft şirkətində bugünki iclas zamanı “Neftçi” prezidenti Sadıq Sadıqov klubun rəhbərliyində “struktur dəyişiklikləri” təklif edib.

Xüsusən, yazıçı Çingiz Abdullayevin rəhbərliyi ilə Müşahidə Şurası yaratmaq təklif edilib. Şuraya həmçinin ŞHK üzvü Bəhram Bağırzadə, futbol veteranları Mübariz Zeynalov, Səməd Qurbanov, Zaur Qəhrəmanov və Sadıq Sadıqov özü daxil olub.

Daha sonra Sadıqov deyib ki, “Neftçi” səhmdar cəmiyyətə çevriləcək və onun səhmləri buraxılacaq. “Gələn ildə klub xüsusi deyil, ictimai qurum olacaq”, deyə o qeyd edib.

İclasa sədrlik edən SOCAR prezidenti Rövnəq Abdullayev (klubun baş sponsoru) Çingiz Abdullayevin təyinatını elan edib.

Bu məlumatdan Müşahidə Şurasının və onun sədrinin funksiya və səlahiyyətlərinin nədən ibarət olacağı aydın deyil.

Qeyd edək ki, Çingiz Abdullayev çoxsaylı detektiv romanların müəllifidir. Onun futbolla nə əlaqəsi olduğu və klubda iştirakının nə dərəcədə səmərli olduğu aydın deyil. -16В-