Human Rights Watch təşkilatının nümayəndəsi Giorgi Gogia martın 31-də yerli vaxtla saat 21-də Bakıdan Tbilisiyə deportasiya olunub. Bu barədə Turana Tbilisidəki mənbələrdən bəlli olub.
Öz növbəsində Gürcüstanın Azərbaycandakı səfirliyinin birinci katibi Kaxa Abdeladze Turana bildirib ki, onda olam məlumata görə, Gogia Bakı Beynəlxalq Hava limanının neytral zonasında saxlanılıb və AZALın saat 21.00 reysilə Tbilisiyə qaytarılmalı idi.
Diplomat Gürcüstan vətəndaşı olan Giorgi Gogianın saxlanmasının səbəblərinin bilmədiyini deyib.
2015 Mart 31 (Çərşənbə axşamı) 19:07:17
Human Rights Watch-un əməkdaşı Georgi Qogia bir gündən çoxdur Bakı aeroportunda saxlanılır. Bu barədə Turan-a sözügedən hüquq müdafiə təşkilatının nümayəndəsi Reyçel Denber bildirib. Onun sözlərinə görə, Qogia martın 30-da saat 1:30-da Bakıya çatıb. O, Rəsul Cəfərov və İntiqam Əliyevin işləri üzrə məhkəmə proseslərində iştirak etməyi planlaşdırırdı.
Aeroportda sərhəd yoxlamasında heç bir izahat vermədən, onun Azərbaycana girişinə icazə verməyiblər.
Sərhəd Xidmətinin əməkdaşı onun pasportunu alıb və onu zalda qoyub gedib. O vaxtdan etibarən ona heç nə demirlər və pasportunu vermirlər.
“Biz hakimiyyətin Georginin pasportunu qaytarmasını və onun ölkədən çıxmasına imkan yaratmasını tələb edirik”, deyə Reyçel Denber bildirib. -16В-
2015 Mart 31 (Çərşənbə axşamı) 16:37:20
Human Rights Watch beynəlxalq hüquq müdafiə təşkilatının nümayəndəsi Georgi Qogia martın 31-də saat 17-də Bakı aeroportunda saxlanılıb. Bu barədə Avropa Şurasının insan hüquqları üzrə keçmiş komissarı Tomas Hammerberq Tvitterdəki mikrobloqunda yazıb.
Turan-ın Azərbaycan XİN-ə sorğusuna cavabda bununla bağlı məlumata malik olmadıqlarını bildiriblər. Sərhəd Xidmətindən şərh almaq da mümkün olmayıb.
Qogianın mobil telefonu vasitəsilə əlaqə saxlamaq da mümkün olmayıb.
Qogianın Bakıya gəlişinin məqsədi açıqlanmır. Həmçinin, onun məhz haradan gəldiyi də məlum deyil.
Qeyd edək ki, Human Rights Watch Azərbaycan hakimiyyətini insan hüquqlarının pozulmasına görə ən çox tənqid edən hüquq müdafiə təşkilatlarından biridir. Bakıda rəsmilər Human Rights Watch-u müəyyən dairələr tərəfindən rəsmi Bakıya təzyiq məqsədilə istifadə olunan satqın, erməniyönlü və düşmən qurum adlandırır.
Öz növbəsində, Georgi Qogia Human Rights Watch-un Azərbaycanda pozuntular haqqında daim və çox yazan əməkdaşlarından biridir. -16В-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz