DİN qalmaqallı videoçarxın iştirakçılarını saxlayıb

Bakı/01.04.19/Turan: DİN martın 31-də sosial şəbəkələrdə yayılan pornoqrafik xarakterli qalmaqallı videoçarx ilə bağlı xüsusi məlumat yayıb.

Məlumatda deyilir ki, həmin videoçarxda"sərxoş vəziyyətdə olan bir qrup şəxs qeyri-etik davranışları təbliğ edərək amoral davranış sərgiləyir".

DİN həmin videoçarxdakı iki kişi və üç qadının şəxsiyyətini müəyyən edib. Onlar saxlanılarq Bakı şəhər Nəsimi rayon polis bölməsinə aparılıb. Rolikdə göstərilən "Land Rover" avtomobili cərimə meydançasına aparılıb.

Araşdırma zamanı müəyyən edilib ki, videoçarx Bakıətrafı qəsəbələrdən birində çəkilib. İştirakçılar Azərbaycan vətəndaşı Valeh İsrafilov və Rusiya vətəndaşı Cahid Kərimovdur. DİN-in məlumatına görə, videonu sosial şəbəkələrdə məhz sonuncu yayıb. Fakt üzrə araşdırma aparılır.

Digər məlumata görə, aksiyada iştirak edən digər bir gənc də saxlanılıb.

Aksiya iştirakçılarını nələrin gözlədiyi hələlik məlum deyil. Lakin vaxtilə gənc fəal İlkin Rüstəmzadə "Harlem shake" rəqsini çəkib İnternetdə yaydığına görə 8 il azadlıqdan məhrum edilmişdi.

Hakimiyyət bunu ictimai yerdə xuliqanlıq kimi qiymətləndirmişdi.-03D-