DİN və Prokurorluq: Nardaranda sakinlər islam dövləti yaratmaq istəyirdilər
DİN və Baş Prokurorluq Nardaran qəsəbəsində (Bakıdan 30 km şərqdə) bugünki hadisələrlə bağlı bəyanat yayıb.
“Silahlı radikal islamçı qrup təxribatlar, terror aktları və kütləvi iğtişaşlar silsiləsi hazırlayırdı. Bu qrupu zərərsizləşdirmək məqsədilə DİN zəruri tədbirləri görüb”, deyə məlumatda bildirilir.
“Müəyyən olunub ki, Taleh Bağırov, Elman Ağayev, Zülfüqar Mikayılov və Əbülfəz Bünyatov ölkədə konstitusiya quruluşunun zorla dəyişdirilməsini və şəriət normalarının tətbiq edilməsini planlaşdırırlar. Bu məqsədlə onlar “Müsəlman birliyi” adlı hərəkat yaradıblar.
Onlar Bakıdan və ölkənin regionlarından özlərinə tərəfdarlar yığmağa və onları silah və partlayıcı maddələrlə təchiz etməyə başlayıblar”, deyə məlumatda qeyd edilir.
Qrup Nardaran qəsəbəsində qanunsuz toplantılar keçirir, hakimiyyətə itaətsizlik aksiyalarının təşkilini müzakirə edir və əhaliyə vərəqələr paylayırdı. Bundan başqa, barəsində terror aktı hazırlanan dövlət məmurlarının siyahısı müəyyən edilib”, deyə DİN və Prokurorluq iddia edir.
Sözügedən şəxslərin zərərsizləşdirilməsi məqsədilə noyabrın 26-da Nardaranda əməliyyat keçirilib. Bu əməliyyat zamanı avtomatlarla silahlı müqavimət göstərilib və qumbara atılıb. Açılan cavab atəşi nəticəsində polisə atəş açanlardan dörd nəfər öldürülüb və bir neçə nəfər yaralanıb. Eyni zamanda, iki polis həlak olub, deyə məlumatda bildirilir.
Taleh Bağırzadə də daxil olmaqla, 14 nəfər həbs edilib. Baş Prokurorluqda cinayət işi açılıb. Hərəkatın digər üzvlərinin saxlanması üzrə tədbirlər görülür, deyə məlumatda qeyd edilir. -02D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz