Bakı/27.09.18/Turan: DİN və Baş Prokurorluq Qazax rayon sakini Elmir Axundovun ölümü ilə bağlı birgə məlumat yayıb.
Sentyabrın 26-da sosial şəbəkələrdə bu gəncin üzərində zorakılıq izləri olan cəsədinin şəkilləri yayılıb və onun Qazax rayon polis şöbəsində ölənə qədər işgəncə gördüyü iddia edilib. Həlak olan şəxsin bacısı da bunu təsdiq edib.
Amma DİN və Baş Prokurorluq iddia edir ki, Axundovun anası hələ sentyabrın 24-də oğlunun Qazax sakini Kərim Əhmədov tərəfindən döyülməsi haqqında məlumatla rayon Prokurorluğuna müraciət edib.
Bundan sonra Axundovun ifadəsi alınıb və məhkəmə-tibbi ekspertiza təyin edilib, araşdırma döyülmə nəticəsində alınmış xəsarətləri müəyyən edib.
Eyni zamanda Əhmədov da polisə müraciət edərək, Axundov tərəfindən döyüldüyünü bildirib. Bununla əlaqədar sentyabrın 25-də Axundov ifadə vermək üçün polisə çağırılıb. Amma polisdə onun vəziyyəti pisləşib, saat 22.00-da "təcili yardım" çağırılıb, onu ölü vəziyyətdə diaqnostika mərkəzinə aparıb.
Faktla bağlı 124.1 (ehtiyatsızlıqdan adam öldürmə) və 221.3-cü (xuliqanlıq, silah və ya silah qismində istifadə olunan əşyadan istifadə ilə törədildikdə) maddələrlə cinayət işi açılıb, müvafiq ekspertizalar təyin edilib. Əhmədov şübhəli şəxs qismində saxlanılıb. -06D-
Cəmiyyət
-
Ötən həftə ərzində hüquq müdafiəçisi Rüfət Səfərov, MeydanTV internet televiziyası ilə əməkdaşlıq edən altı jurnalist və onların bəzi yaxınları həbs olundular. Üstəlik, siyasi şərhçi Azər Qasımlı da saxlandı. O, hədə-qorxu ilə tələb etmədə, qalanları isə qaçaqmalçılıqda şübhəli sayılır.
-
Lahıcda Vətəndaş A filminin çəkilişləri zamanı İctimai Televiziyanın çəkiliş qrupuna məxsus dron qəzaya uğrayıb. Əvvəlcə filmin operatoru dronun Azərbaycan sərhədçiləri tərəfindən vurulduğunu iddia etsə də, prodüser bu açıqlamanı təkzib edərək dronun onun səhvi ucbatından qayaya çırpıldığını bildirib.
-
Dekabrın 10-da tutqun hava şəraiti davam edəcək. Gecə yağış yağa bilər. Şimal-şərq küləyi gündüz cənub-şərq küləyinə keçəcək. Havanın temperaturu gecə müsbət 5 +7, gündüz müsbət 7 + 10 dərəcə olacaq. Rütubət 60-70 faiz olacaq.
-
Lider mobil operator milli mətbuat nümayəndələrinin peşəkar bacarıqlarının artırılmasına yönəlmiş növbəti təşəbbüsünü həyata keçirir 6 dekabr rabitə və informasiya texnologiyaları işçilərinin peşə bayramında lider mobil operator jurnalistlərin rəqəmsal savadlılığının artırılmasına yönəlmiş xüsusi təlim təşkil etdi. Beynəlxalq təlim şirkəti tərəfindən keçirilən kurs çərçivəsində media nümayəndələrinə ən yeni media tendensiyalar və qabaqcıl texnologiyalar barədə geniş məlumat təqdim edildi.
Rəy yaz