Dindar – sələfi Rəhman Əhmədov Turan agentliyinə müraciət edərək, Sumqayıt polisi tərəfindən ona qarşı təzyiq olduğunu bildirib.
27 yaşlı Əhmədov Cəbrayıl rayonundan məcburi köçkündür.
Sumqayıtda onun 17-ci mikrorayonda kiçik ticarət obyekti var.
Dekabrın 6-da səhər saatlarında o, “dindarların “uçota” alınması məqsədilə” sahə müfəttişinin yanına çağırılıb.
Daha sonra o, 4-cü polis şöbəsinə aparılıb, buarada Kənan adlı rəis tərəfindən təhqirlərə məruz qoyulub.
Ona deyiblər ki, Azərbaycanda onun kimilərin yeri yoxdur və saqqalını qırxmağı tələb ediblər.
Dindar Sumqayıt Baş Polis İdarəsində də təhqir və fiziki təzyiqlərə məruz qoyulub.
Əhmədovun sözlərinə görə, Gəray adlı zabit onunla ideoloji mübahisəyə başlayıb.
“Məndən Müaviyənin kim olduğunu soruşublar. Dedim ki, Peyğəmbərimizin səhabəsi olub. Dedilər, yox, və təhqir etməyə, yumruqla burmağa başladılar”, deyə Əhmədov sözlərinə davam edib.
Əhmədovun sözlərinə görə, polis idarəsində onu terrorçu adlandırıblar. Nəhayət, saat 17.00 radələrində ona saqqalını qırxmağı tövsiyə edərək, buraxıblar.
Dindar yeni təzyiqlərdən və uydurma ittihamla həbs ediləcəyindən qorxur.
Sumqayıt polisindən şərh almaq mümkün olmayıb.
Turan Agentliyi qarşı tərəfə söz verməyə hazırdır.
Xatırladaq ki, bir ay əvvəl bir qrup sələfi də yerli polisin özbaşınalığından - əsassız saxlanılmalarından və işgəncələrə məruz qoyulmalarından şikayət edib. Bu, evinin həyətində ibadətxana açmış dini fəal Zöhrab Şıxəliyevin qanunsuz silah saxlamaq ittihamı ilə həbs edilməsindənsonra baş verib.
Lakin həmin vaxt DİN dindarlara qarşı işgəncələr haqqında məlumatları təkzib edib. -06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz