Dini ekstremizmə qarşı əməliyyat zonasında KİV-in fəaliyyəti məhdudlaşdırılıb

Dekabrın 5-də dövlət başçısının imzaladığı dini ekstremizmə qarşı mübarizə haqqında qanun radikallara qarşı xüsusi əməliyatların gedişi zamanı ictimaiyyətin məlumatlandırılması qaydalarını müəyyən edir.

Beləliklə, jurnalistlərin xüsusi əməliyyat zonasında fəaliyyəti onu keçirən orqan tərəfindən müəyyən edilir.

Qanuna əsasən aşağıdakı məlumatların yayılmasına yol verilmir:

- Dini ekstremizm əleyhinə xüsusi əməliyyatların aparılması taktikası və texniki üsulları haqqında məlumatlar;

- Dini ekstremizm əleyhinə aparılan xüsusi əməliyyat zonasında və ya bu zonanın hüdudlarından kənarda olan insanların həyatına və sağlamlığına təhlükə yaradan və dini ekstremizm əleyhinə xüsusi əməliyyatların aparılmasına maneə törədən məlumatlar;

- Dini ekstremizmə bəraət qazandıran və ya onun təbliğinə xidmət edən məlumatlar;

- Dini ekstremizm əleyhinə aparılan xüsusi əməliyyatlarda iştirak edən, habelə bu əməliyyatların aparılmasına kömək edən şəxslər haqqında məlumatlar.

Kütləvi informasiya vasitələrinin işçiləri bu məlumatların yayılmasına görə məsuliyyət daşıyırlar.06D--