Bakı/12.10.17/Turan: Bu gün Bakı Ağır Cinayətlər Məhkəməsində "Müsəlman Birliyi" Hərəkatının fəalı Rəvan İsmayılovun 30 gün müddətinə inzibati həbsi ilə bağlı şikayətə baxılıb.
Mirzəli Abbasovun sədrliyi ilə keçirilən iclasda fəal həbsdən sonra polisdə işgəncələrə məruz qalmasından şikayət edib, bu barədə Turan-a vəkil Yalçın İmanov bildirib.
Xüsusən, İsmayılov qeyd edib ki, oktyabrın 4-də həbsindən sonra onu inzibati qaydada cəzalandırılanların saxlanıldığı Binəqədi İstintaq Təcridxanasına deyil, Sabunçu rayon polis idarəsinə göndəriblər. Orada onu əli qandallı şəkildə yerə yıxıblar və bədəninə elektrik cərəyanı verməyə başlayıblar.
Bu zaman əməkdaşlar onun ailəsinin və "Müsəlman Birliyi" hərəkatının liderinin ünvanına senzuradankənar ifadələr işlədiblər.
"Niyə mitinqlərə gedirsən?", "Taleh Bağırzadəni niyə qoruyursunuz?", "Niyə dövlətin əleyhinə çıxış edirsiniz?", deyə polislər qışqırıb.
Digər dini fəal - 30 gün müddətinə həbs edilmiş Samir Babayev də Bakı Apellyasiya Məhkəməsində Sabunçu polisində analoji işgəncələr haqqında danışıb.
Hər iki fəalın apellyasiya şikayəti təmin edilməyib.
DİN-dən şərh almaq mümkün olmayıb. -06D-
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz