Dollar təkcə özünü yox, qiymətləri də bahalaşdırdı

Fevralın 21-də dolların manata nisbətdə kəskin bahalaşmasından sonra ölkənin əmtəə bazarında durğunluq yaranıb.

Belə ki, manata nisbətdə 33% bahalaşan dollar yeni “bahalı” qiymətlər yaradıb. Bu kəskinlik özünü siqaret bazarında daha gücül göstərir. Belə ki, əksəriyyəti xaricdən idxal edilən siqaretlər fevralın 21-i günortadan sonra 30 qəpik bahalaşıb. Fevrlaın 22-dən isə daha 20 qəpik bahalaşma əlavə olunub. Fevralın 23-dən isə satış frimaları yeni bahalanma olacağı ilə bağlı köşklərə siqaret buraxılışına qadağa qoyublar. 

Ökənin “Sədərək” və “Binə” kimi iri ticarət mərkəzlərində də satış səviyyəsi “ölüm” nöqtəsinə çatıb. Bu da onunla bağlıdır ki, kredit götürərək bunu əmtəə bazarına yatıran sahibkarlar malları köhnə manat dəyərinə yox, yeni dollar məzənnəsinə satmaq istəyirlər.

Bununla yanaşı, mobil telefon aparatlarının, elektrik mallarının satışında da bahalaşma yaranıb və bu bahalanma 20-30% arasında dövr edir.

Ölkə miqyasında bütün bu baş verənlərə baxmayaraq, dövlət başçısı və ya baş nazir səviyyəsində bu bahalanmanın səbəbləri, perspektivi, ölkənin və ölkə vətəndaşlarının maddi rifah halına təsiri barədə hər-hansı rəsmi açıqlama olmayıb.

Cəmiyyətə verilən açıqlamalar deputatlar və ekspertlər səviyyəsindədir ki, bu da rəsmi baxımdan yetərli sayıla bilməz. -05B-