Ötən həftə Siyəzən broyler fabrikində KİV nümayəndələri üçün “açıq qapı günü” təşkil edilib. Qeyd edək ki, bu fabrik Cənubi Qafqazda istehsal gücünə görə ən iri müəssisədir – ildə 20 min ton ət.
Bəzi mətbuat orqanlarında, həmçinin sosial şəbəkələrdə belə bir məlumat yayılıb ki, guya ölkənin broyler təsərrüfatlarında hazır məhsullara mənşəyi məlum olmayan materiallar vurulur. Bu məlumatların yayılması əhali arasında çaxnaşmaya səbəb olub. Nəticədə broyler məhsullarının satışı üçdə bir hissə azalıb. Aparıcı broyler təsərrüfatlarının nümayəndələri Bakıda mətbuat konfransı keçirərək baş verənləri maraqlı tərəflərin təxribat hərəkətləri adlandırıblar.
“Siyazan Broyler” ASC-nin sexlərinə ekskursiya zamanı jurnalistlər istehsalat prosesi, xaricdən alınan yumurtanın inkubasiyası, quşların kəsilməsi, hazır məhsulların qablaşdırılması prosesi ilə tanış olublar.
Bütün proses Niderland və digər Avropa ölkələrindən gətirilən müasir texnologiya əsasında həyata keçirilir. Texnoloji proseslər ciddi gigiyenik tələblərə uyğun olaraq həyata keçirilir. Müəssisədə 1300 işçi çalışır. Qeyd edək ki, quşların kəsilməsi İslam qaydalarına əsasən həyata keçirilir. Hər gün 84 minədək broyler qablaşdırılır.
“Biz daimi alıcılarımıza Siyəzən broyler fabrikinin məhsullarının keyfiyyəti və təhlükəsizliyi ilə bağlı zəmanət veririk. Bizim prioritetimiz istehlakçının razı qalmasıdır”, - Səhmdar Cəmiyyətinin İdarə Heyətinin sədri Oqtay Hüseynov bildirib.
Qeyd edək ki, martın 2-dən istənilən şəxs Şabran broyler fabriki ilə tanış ola bilər. Bundan ötrü xüsusi avtomobil təşkil edilib. Digər broyler fabrikləri də bu cür aksiyalar hazırlayır.014C
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz