Bu gün dini qurumlarla iş üzrə Dövlət Komitəsi bir sıra dini təhsil müəssisələrinə dövlət qeydiyyatı haqqında şəhadətnamələri təqdim edib. Komitə sədri Mübariz Qurbanlının sözlərinə görə, Azərbaycanda dini ayinləri yalnız ölkədə təhsil almış din xadimləri həyata keçirə bilər. Buna görə dini və dünyəvi biliklərə malik peşəkar kadrların hazırlanmasına ehtiyac var.
Bu gün Zaqatala İslam Kollecinin, Gəncə İslam Kollecinin, Quba İslam Kollecinin, "Heydər" İslam Kollecinin, Nardaran İslam Kollecinin və Bibiheybət İslam Kollecinin rəhbərlərinə dövlət qeydiyyatı haqqında şəhadətnamələr təqdim olunub.
Kolleclər Qafqaz Müsəlmanları İdarəsinin tabeçiliyindədir. Amma Turan nə QMİ-dən, nə də Dövlət Komitəsindən bu kolleclərin nə vaxt fəaliyyətə başlayacağı, orada neçə nəfərin təhsil alacağı, tələbə qəbulunun necə həyata keçiriləcəyi barədə məlumat ala bilməyib.
Qeyri-rəsmi məlumatlara görə, kolleclər hələlik yalnız kağızda mövcuddur. -05D06-
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz