Dövlət Təhlükəsizlik Xidməti �ayıldı�

Bakı/15.05.17/Turan: Nəhayət, Azərbaycan Dövlət Təhlükəsizlik Xidməti (DTX) bir neçə gündür ki, onun ağenturasının adının və ödənilən məbləğin KİV-də açıqlanmasının dövlət sirri olduğunu etiraf edib.

DTX bildirib ki, vətəndaşların xüsusi xidmətlə gizli əməkdaşlığı, onların kod adları və digər bu cür məlumatlar dövlət sirri təşkil edir. Bu məlumatların açıqlanmasına görə cinayət məsuliyyəti nəzərdə tutulur, DTX-nın məlumatında deyilir.

Fakt üzrə cinayət işi başlayıb və yayılan informasiyanın səhihliyi, bunda dövlət sirrinin olub-olmaması müəyyən ediləcək.

Xatırladaq ki, artıq bir həftədir ki, hakimiyyətin nəzarətində olan bəzi KİV-lər, sonradan is sosial şəbəkə istifadəçiləri guya keçmiş MTN Antiterror Mərkəzinin rəisi Elçin Quliyevin məhkəməsində açıqlanan məlumatları dərc edir.

Qeyd edək ki, məhkəmə qapalı rejimdə keçirilir, mətbuat buraxılmır, vəkillər isə prosesin gedişini şərh etmirlər.

Əgər bu cür məlumatlar açıqlanırsa bu, ancaq bir şeydən xəbər verir - məlumatın qəsdən sızdırılmasından. Ancaq ötən həftənin sonları DTX və Baş Prokurorluq bu faktı şərh etməkdən imtina edərək sanki heç nə olmamış kimi davrandılar.

Ötən istirahət günləri nələrin vaş verdiyini isə ancaq düşünmək qalır.-05D-