Açiq mənbələrdən foto.
Bakı/26.09.22/Turan: 2018-ci il iyulun 10-da Gəncə şəhərində radikal diniyönümlü bir qrup şəxs tərəfindən ictimai asayişin pozulmasına yönələn zorakılıq aktları, hakimiyyət nümayəndələrinə silahlı müqavimət göstərilməsi, müxtəlif dərəcəli bədən xəsarətləri yetirilməsi, iki polis zabitinin qəsdən öldürülməsi ilə müşayiət olunan kütləvi iğtişaşlar törədilməsi ilə bağlı cinayət işləri üzrə ədalət mühakiməsini həyata keçirmiş hakimlərin fotoşəkillərini müxtəlif sosial şəbəkələrdə paylaşmaqla, onlardan qisas alınaraq öldürülmələrinə çağırış edilib. Bu barədə Dövlət Təhlükəsizlik Xidmətinin (DTX) sentyabrın 26-da yaydığı məlumatda deyilir.
Həmin faktla bağlı Azərbaycan Ali Məhkəməsindən daxil olmuş məlumatla əlaqədar DTX-da müvafiq araşdırmalar aparılıb.
Azərbaycan Cinayət Məcəlləsinin 214-2-ci (Terrorçuluğa açıq çağırışlar) maddəsi ilə cinayət işi başlanıb.
Cinayət işləri üzrə ədalət mühakiməsini həyata keçirmiş hakimlərin həyatına sui-qəsd etməyə açıq çağırışların xarici ölkə vətəndaşı Bayramov Mühəndis Alyoşa oğluna məxsus sosial şəbəkə profilindən edilməsi müəyyən olunub və barəsində axtarış elan edilib.
DTX tərəfindən keçirilmiş tədbirlərlə Mühəndis Bayramov saxlanılaraq həbs olunub və barəsində aparılan cinayət işinin istintaı yekunlaşdırılaraq baxılması üçün məhkəməyə göndərilib.
Ölkədə ictimai təhlükəsizliyi təhdid edən, ədalət mühakiməsinə və dövlət orqanlarının fəaliyyətinə qarşı yönələn bu cür əməllərlə bağlı zəruri hüquqi tədbirlər bundan sonra da davamlı olaraq həyata keçiriləcək, deyə DTX-nin məlumatında bildirilir. 05D
Cəmiyyət
-
Oktyabrın 10-da Ağır Cinayətlər Məhkəməsində Əhməd Əhmədovun barəsində hökm oxunub. O, ailəsinin beş üzvünü öldürməkdə təqsirli bilinir.
-
Dövlət sərhədinin təhlükəsizliyinin təmin edilməsi, qeyri-leqal miqrasiyaya qarşı mübarizə sahəsində aparılan sərhəd və əməliyyat-axtarış tədbirləri nəticəsində Azərbaycanın dövlət sərhədini pozmağa çalışan 6 nəfər saxlanılıb.
-
Oktyabrın 11-də paytaxtda hava dəyişkən olacaq. Abşeronda səhər və axşam qısamüddətli yağıntı mümkündür. Şimal-qərb küləyi əsəcək, günün ikinci yarısında cənub-şərq küləyinə keçəcək.
-
Azercell Stevie Beynəlxalq Biznes Mükafatları tərəfindən “İlin Texnoloji Yeniliyi” və “İlin Korporativ Sosial Məsuliyyət Proqramı” nominasıyaları üzrə qalib seçilib “Azercell Telekom” MMC-nin nailiyyətləri Stevie Beynəlxalq Biznes Mükafatlarının (IBAs) münsiflər heyəti tərəfindən yüksək qiymətləndirilib. Lider mobil operator ölkədə süni intellekt əsasında çalışan ilk Azərbaycan dilli Virtual Assistent xidməti - “Aicell”in tətbiqinə görə “İlin texnoloji yeniliyi” nominasiyası üzrə Qızıl mükafata layiq görülüb.
Rəy yaz