Bazar günü Bakıda xarici vətəndaş yol polisini döyüb. Səbail rayon polis idarəsindən Turan-a verilən məlumata görə, hadisə Azadlıq prospektində baş verib.
Avstraliya vətəndaşı Vilyam Slohomis “H017 362” dövlət nömrə nişanlı “Porsche Cayenne” markalı avtomobili sərxoş idarə etdiyi üçün yol polisi Rafiq Əhməd oğlu Həsənov tərəfindən saxlanılıb.
Sürücü yol polisinin əmrlərinə əməl etməyərək onu döyüb. Faktla bağlı araşdırma aparılır.
Bəzi yerli KİV-də Vilyam Slohomisin “BP-Azərbaycan” şirkətinin əməkdaşı olması barədə məlumat yayıılsa da, BP-Azərbaycan şirkəti bunu rəsmi olaraq təkzib edərək, bu şəxsin BP şirkətinə heç bir aidiyyatı olmadığını bildirib.
Sərxoş bir adamın adətən cüt-cüt işləyən polisi necə döyə biləcəyi tapmaca olaraq qalır. -16D04-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz