![E.Əsədov: Səttar Mehbalıyev özünü yandıran əlilin problemlərini həll etməyi vəd edib](https://turan.az/resized/media/2013/main/122700063486-750-500-resize.webp)
E.Əsədov: Səttar Mehbalıyev özünü yandıran əlilin problemlərini həll etməyi vəd edib
Qarabağ müharibəsi əlili, dekabrın 25-də özünü yandırmış Zaur Həsənovun vəziyyəti ağır olaraq qalmaqdadır.
Xatırladaq ki, Həsənov Azərbaycan Həmkarlar İttifaqları Konfederasiyasının (AHİK) kafesini əlindən almasına etiraz əlaməti olaraq özünü yandırıb.
O, komadadır və süni tənəffüs sistemlərinə qoşulub.
5 saylı xəstəxananın Həsənovu müalicə edən həkimi bildirib ki, əlilin arterial təzyiqi müntəzəm olaraq düşür.
Həkimlər onun həyatını xilas etmək üçün mübarizə aparır. Lakin bunun mümkün olub-olmayacağı ilə bağlı birmənalı proqnoz verməkdə çətinlik çəkirlər.
“Belə xəstələrin müalicəsi məsələsi uzunmüddətlidir”, deyə xəstəxananın yanıq şöbəsinin müdiri Həmzə Əzizbəyov jurnalistlərə bildirib.
Bununla belə, o qeyd edib ki, “xəstə şok vəziyyətindən çıxma mərhələsindədir”.
Bu gün hakim “Yeni Azərbaycan” partiyasının deputatları, partiyanın icraçı katibinin müavinləri Siyavuş Novruzov və Mübariz Qurbanlı Həsənova baş çəkiblər.
Onlar jurnalistlərə bildiriblər ki, dövlət Həsənovun müalicəsi üçün hər şey etməyə hazırdır.
Bununla belə, xəstəxananın önündə toplaşmış veteranlarla görüş zamanı onlar bildiriblər ki, bəzi qüvvələr məsələni siyasiləşdirmək istəyirlər və buna yol vermək olmaz. Onların sözlərinə görə, məsələ sosial xarakter daşıyır və yaxın günlərdə həll ediləcək.
Xəstəxananın ətrafında gücləndirilmiş polis dəstələri cəmləşdirilib.
Bu arada, bu gün AHİK rəhbəri Səttar Mehbalıyev “Qarabağ veteranları” ictimai birliyinin nümayəndə heyətini qəbul edib.
İB-nin rəhbəri Etimad Əsədovun Turan-a verdiyi məlumata görə, Səttar Mehbalıyev baş verənlərlə bağlı təəssüfünü bildirib və “məsələnin mahiyyəti haqqında yanlış məlumatlandırıldığını” qeyd edib.
Mehbalıyev onu yanlış məlumatlandırılan təqsirli şəxsləri cəzalandırmağı, habelə xəstənin müalicəsinə, onun bank kreditinin ödənilməsinə, Həsənovun ailəsinin saxlanılmasına və sağaldıqdan sonra işlə təmin edilməsinə kömək etməyi vəd edib.
Dekabrın 28-də Fəvvarələr Meydanında aksiya keçirmək qərarının qüvvədə olub-olmaması barədə suala cavabda Əsədov bildirib ki, rəhbərlik etdiyi təşkilat mitinq keçirilməsi haqqında qərar qəbul etməyib. -06D-
Cəmiyyət
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
-
İyulun 17-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi, lakin günün birinci yarısında bəzi yerlərdə arabir yağış yağacağı gözlənilir. Mülayim şimal-qərb küləyi əsəcək.
-
Sosial şəbəkələrdə polis əməkdaşının vətəndaşın cibinə bir paket qoyduğuna, daha sonra şiddət tətbiq edərək onu saxladığına dair görüntülər yayılıb. Bu kadrların yayılmasından bir gün sonra DİN onlara münasibət bildirib.
-
Fövqəladə Hallar Nazirliyinin "112" qaynar telefon xəttinə Xızı rayonu, Yeni Yaşma qəsəbəsi ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Rəy yaz