Афган Мухтарлы
Bakı/08.02.18/Turan: Həbsdə olan jurnalist Əfqan Muxtarlı yaxın qohumlarının yas mərasimində iştirak etmək üçün evə buraxılıb. Bu barədə Turan-a vəkil Nemət Kərimli bildirib. 40 mərasimi Zaqatala rayonunda keçirilir. Ə.Muxtarlı artıq rayona gedib.
Xatırladaq ki, 2017-ci il dekabrın 31-də Əfqan Muxtarlının bacısı, bacısı uşağı və qardaşı uşağının mənzildə meyitləri tapılıb. İstintaq hadisənin dəm qazından baş verdiyini müəyyən edib.
Ə.Muxtarlı ötən il mayın 29-da Gürcüstanda oğurlanaraq Azərbaycana gətirilib. Onun cibinə 10 min avro qoyaraq sərhəddi qanunsuz keçməkdə və qaçaqmalçılıqda ittiham ediblər.
Ə.Muxtarlı Bakıda təqib olunduğuna görə Tbilisiyə köçmüşdü və Azərbaycanın müxalifətyönlü nəşrləri ilə əməkdaşlıq edirdi, ölkənin ali eşelonlarında korrupsiya faktlarının araşdırılması ilə məşğul olurdu.-05B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz