Bakı/06.06.17/Turan: Bakı Apellyasiya Məhkəməsi jurnalist Əfqan Muxtarlının barəsində həbs qətimkan tədbirinin seçilməsindən verilmiş şikayətə baxacaq. Bu barədə onun vəkili Elçin Sadıqov "Azadlıq" radiosuna bildirib. O, həbs barədə qərarın əsassız olduğunu bildirib.
"Biz şikayətdə həmin qərarın ləğv edilməsini tələb etmişik. Ədalətli məhkəmə baxışı olarsa, həmin qərar ləğv edilməlidir", - vəkil bildirib.
Apellyasiya şikayətinə iyunun 6-da saat 12:30-da hakim İlqar Murquzovun sədrliyilə baxılacaq.
Jurnalist Ə.Muxtarlı mayın 29-da Gürcüstan ərazisində oğurlanıb və Azərbaycana gətirilib. O. Cinayət Məcəlləsinin 315.2-ci maddəsi (hakimiyyət nümayəndəsinə müqavimət göstərmə və ya zor tətbiq etmə) ilə ittiham olunur.
Bundan başqa ona qarşı CM-in 318.1, 206.1-cı maddələri (sərhədi qanunsuz keçmə və qaçaqmalçılıq) ilə ittihamlar irəli sürülüb. Məhkəmənin qərarı ilə ibtidai istintaq dövründə 3 aylıq həbs cəzası verilib.
Ancaq Ə.Muxtarlı məhkəmədə bildirib ki, Gürcüstandan zorla gətirilib. Ona işgəncə verilib və cibinə 10 min avro pul qoyublar.
Ə.Muxtarlı iki ildən çoxdur ki, Gürcüstanda yaşayır. O, Azərbaycanda təqib olunduğunu bildirib. Son vaxtlar Tbilisidə Azərbaycan hakimiyyətinin əleyhinə keçirilən aksiyalarda fəal iştirak edib. Bir sıra araşdırma yazılarının müəllifi, həmçinin Qarabağ müharibəsi iştirakçısıdır.
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz