Cümə axşamı Şirvan Apellyasiya Məhkəməsində jurnalist Əfqan Sadıqovun şikayətinə baxılmasına başlanılıb. O, xuliqanlıq ittihamı ilə 2,5 il müddətinə azadlıqdan məhrum edilib.
Cəlilabadda fəaliyyət göstərən azel.tv saytının təsisçisi və redaktoru Ə.Sadıqov 2016-cı il noyabrın 22-də saxlanılıb. Ona qarşı xuliqanlıq niyyətilə sağlamlığa ziyan vurmaq maddəsi ilə ittiham irəli sürülüb. Yanvarın 12-də 2,5 il müddətinə azadlıqdan məhrum edilib.
Jurnalist ittihamı rədd edərək bildirib ki, yerli hakimiyyəti tənqid etdiyinə görə ona qarşı təxribat törədilib.
Ə.Sadıqov yerli hüquq müdafiəçiləri tərəfindən siyasi məhbus kimi tanınıb.
Apellyasiya şikayətinə qismən məhkəmə istintaqının aparılması ilə baxılır.
Bununla əlaqədar iclasda öncə prokuror ittihamnaməni açıqlayıb, bundan sonra müttəhim ifadə verib. Vəkil Elçin Sadıqov Turan-a bildirib.
“Əfqan öz ifadəsində deyib ki, Cəlilabad rayon administrasiyası rəhbərliyinin sifarişilə həbs olunub. Rayon İcra Hakimiyyətinin başçısı Əziz Əzizov dəfələrlə onu çağırıb və rayon rəhbərliyinin ünvanına tənqidlərə son qoymağı, ümumilikdə, rayonun problemlərindən yazmamağı tələb edib”, - vəkil bildirib.
Jurnalistin ifadəsinə görə, 2016-cı ilin avqustunda o, yenidən rayon başçısının yanına çağırılıb. Ondan rayon haqda mənfi materialların dərcinə son qoyması tələb edilib. Ə.Sadıqovun sözlərinə görə, icra başçısının qəbul otağında ona qarşı təxribat törədilib.
Ə.Sadıqov icra başçısının kabinetindən çıxarkən bir qadın ona yaxınlaşıb və onu yerli məmurlar haqda qeyri-obyektiv materialların dərcində ittiham edib və jurnalisti təhqir etməyə başlayıb. Ə.Sadıqov ona qarşı təxribat hazırlandığını başa düşərək binanı tərk edib”, - E.Sadıqov bildirib.
Aprelin 6-da iclas zamanı zərərçəkən ifadə verərək bildirib ki, jurnalist ona hücum edib və vurub, onu huşsuz vəziyyətdə xəstəxanaya aparıblar.
Ancaq onun sözləri rayon xəstəxanasının qeydiyyat məlumatları ilə uyğun gəlmir. Belə ki, xəstənin xəstəxanaya gündüz daxil olduğu göstərilib, insident isə səhər baş verib.
Növbəti məhkəmə iclası aprelin 27-nə təyin edilib.—06D--
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz