![Ekspertlər Məleykə Abbaszadənin təklifini tənqid edirlər](https://turan.az/resized/750/500/resize/media/2016/main/071400161948.jpg)
Ekspertlər Məleykə Abbaszadənin təklifini tənqid edirlər
Ali məktəblərə qəbul imtahanlarının pullu sistemə keçirilməsi ilə bağlı Dövlət İmtahan Mərkəsinin rəhbəri Məleykə Abbaszadənin təklifi Azərbaycan Konstitusiyasına ziddir. Bunu Sivil Toplum Platformasının üzvü, hüquq sahəsində ekspert Ələsgər Məmmədli Turan-ın müxbirilə söhbətində bildirib.
Qəbul imtahanlarına görə ödənişin tətbiq olunması dövlətin Konstitusiya ilə müəyyən edilmiş sosial funksiyalarına ziddir. İmtahanların verilməsi üçün alternativ pulsuz imkanlar olmadan pullu sistemin tətbiqi Azərbaycan Konstitusiyasını pozur.
Eyni zamanda abituriyentlər indi də 2 manat rüsum ödəyirlər və abituriyentlərin sayının çox olmasını nəzərə alsaq bu, test müsabiqələrinin keçirilməsi üçün yetərlidir.
REAL Hərəkatının icraçı katibi Natiq Cəfərli də imtahana görə ödənişin olmasını əsassız sayıb.
Hər il 100 min nəfər qəbul imtahanı verir, bir nəfər üçün 25 manatdan götürsək (bu məbləği M.Abbaszadə açıqlayıb) ümumi xərclər 2,5 mln. manat edir.
N.Cəfərli qeyd edib ki, hakimiyyət Formula-1 yarışları kimi lazımsız tədbirə üzvlük haqqı olaraq 100 mln. manat xərcləyib. Bu məbləğə 40 il ərzində pulsuz qəbul imtahanları təşkil etmək olar.
N.Cəfərli Almaniya ilə müqayisə apararaq bildirib ki, ötən ildən bu ölkədə ali təhsil tamamilə pulsuz olub, bu, alman dilini bilən əcnəbilərə də aiddir.
“Bax, buna görə də Almaniya “Mersedes” avtomobilini buraxır, biz isə bu avtomobilin təkərini qara rəngə boyayırıq”, - N.Cəfərli özünün Facebook səhifəsində yazıb.06D-
-
- Siyasət
- 14 İyul 2016 13:27
-
- İqtisadiyyat
- 14 İyul 2016 13:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz