Ekspertlər sosial şəbəkələrdə azərbaycanlıların Şuşa yaxınlığında keçirdiyi aksiyanın məqsədini izah edirlər

Bakı/13.12.22/Turan: Azərbaycanın ictimai təşkilatlarının Şuşa yaxınlığında Xankəndindən Yerevana gedən yolda keçirdiyi aksiyanın ikinci günündə ekspertlər sosial şəbəkələrdə problemə baxışlarını bölüşürlər.

Milli Məclisin deputatı Rasim Musabəyov hesab edir ki, ermənilər Bakının bizim təbii sərvətlərimizin talan edilməsinin qarşısının alınmasında qətiyyətini sınamaq qərarına gəliblər və yanılıblar.

"Ekoloji fəalların etirazı Qızılqaya yatağının istismarının bərpa edilməsinə və konsentratın Ermənistana aparılmasına reaksiyasının ən yumşaq formasıdır. Bu siqnal Vardanyana, Araikə və digərlərinə çatmasa, onlar bilməlidirlər ki, Bakı havadan raket-bomba zərbəsi vasitəsilə yatağı dağıda bilər. Qızıl konsentratı daşıyan avtomobillər yolda saxlanıla və onlara həbs qoyula bilər. Qarabağ ermənilərinin elektrik enerjisini və qazı Ermənistandan Azərbaycanın nəzarəti altında olan kabellər və boru kəməri ilə aldıqlarını xatırlatmağa ehtiyac yoxdur. Ümid edirəm ki, separatçı rejim ekoloji fəalların etirazlarına qulaq vermək və yataqlarda qanunsuz hasilatı dayandırmaq üçün kifayət qədər sağlam düşüncəli olacaq. Münaqişəni Bakının sərəncamında olan güc alətlərindən istifadə etmək məcburiyyətində qalacağı mərhələyə çatdırmaq, çətin ki, onların marağına uyğun olsun", deyə deputat Facebook-da yazıb.

İqtisadçı ekspert Natiq Cəfərli də Facebook-da bütün ölkələrin ekoloji məsələlərdən öz maraqları üçün istifadə etdiyini qeyd edib.

"Bu mənada, Azərbaycan hökumətinin ekoloji məsələləri önə çəkib Laçın yolunu bağlaması, bu yolla Rusiyaya və Kremlin bəslədiyi Xankəndindəki qondarma rejimə təzyiq etməsi çox doğru yanaşmadır", deyə ekspert yazır.

Cəfərli şəbəkələrdə Qarabağdan kənarda yerləşən digər yataqlarımız ətrafında aksiya keçirilməməsinin səbəbini soruşan fəallara təəccüb edir. "Bilmirsiniz ki, bu aksiya bir tək ekoloji məsələ deyil, dünyada olan ekoloji trenddən doğru olaraq istifadə etmək cəhdidir? Son günlər davam edən proseslərin məqsədi məhz Rusiyanın, onların "rusməramlı" qüvvələrinin torpaqlarımızda əl-ayağını yığmağa hesablanıb, bu məqsədə xidmət edəcək hər bir, həm də ekoloji problemləri qabartmaqla atılan addımlar dəstəyə layiqdir...", deyə Cəfərli iddia edir.

İstanbulda yaşayan sülhməramlı İşxan Verdyan baş nazir Paşinyanın siyasi oyununun məğlubiyyətə düçar olacağını və ermənilərin uduzduğu üçüncü Qarabağ müharibəsindən sonra Robert Koçaryanın hakimiyyətə qayıdacağını proqnozlaşdırır.

Əsas olan soyqırım dəliliyi ilə hadisələrin ardıcıllığını itirməməkdir, deyə Verdyan yazır.

1. Azərbaycan Rusiya sülhməramlı kontingentindən Qarabağda bütün faydalı qazıntı mədənlərində monitorinq aparmağı tələb edib.

2. RSK rəhbərliyi ilə danışıqlardan sonra tərəflər razılaşıblar ki, Azərbaycan ekoloqları RSK nümayəndələrinin müşaiyəti ilə mədənlərə getsin.

3. Ruben Vardanyanın rəhbərlik etdiyi silahlı ermənilər onların yolunu kəsiblər və mədənlərin olduğu yerə keçməyə icazə verməyiblər. Azərbaycan nümayəndələri silahsız idi.

4. Azərbaycan RSK rəhbərliyindən razılaşmaları yerinə yetirməyi tələb edib və təsir vasitəsi kimi RSK komandiri general Volkovla görüşmək tələbi ilə Laçın yolunun bağlanması seçilib.

5. General Volkov Azərbaycan tərəfi ilə əlaqə saxlamır, buna görə yol ikinci gündür ki, bağlı olaraq qalır.

Deməli bu vəziyyətə silahlı insanları mülki missiyanın qarşısına çıxaran Ruben Vardanyan səbəb olub. Soyqırım haqqında danışan şəxs özü yaranmış vəziyyətin səbəbkarıdır, deyə sülhməramlı yazır.

"Qarabağda hakim elita silahlı münaqişə yolu ilə Qarabağın təhlükəsizliyinin zamini - RSK ilə razılaşdırılmış monitorinq missiyasına mane olmaq barədə suveren qərar qəbul edibsə, deməli, yaranmış vəziyyətə görə o məsuliyyət daşıyır. Qarabağ hakimiyyətinin kibirli və həyasız davranışına qiymət verilməlidir. Əgər onların öz ərazilərində istədiklərini etməkdə sərbəst olduqlarını deyirlərsə, bu qədər müstəqildirlərsə, bunun nəticələrinə görə məsuliyyəti də onlar daşımalıdır", deyə Verdyan başqa bir yazısında qeyd edib. 0