Bakı/19.02.20/Turan: Bakı İnzibati Məhkəməsində hakim Elnur Əliyevin sədrliyi ilə keçmiş vəkil Əlayif Həsənovun Vəkillər Kollegiyasına qarşı iddiası üzrə məhkəmə prosesi keçirilib. Keçmiş vəkil qurumu 2017-2019-cu illərdə onun imtahanlarla bağlı ərizələrinə baxılmamasına görə məhkəməyə verib.
Ə. Həsənov bildirib ki, 2017-ci il dekabrın 16-dan başlayaraq hər il keçmiş vəkillər üçün keçirilən imtahanlarda iştirakı üçün Vəkillər Kollegiyasına müraciətlər göndərib.
“Kollegiya yalnız “müraciətlərinizə cavab veriləcək” cavabı ilə kifayətlənib. Bu ilin yanvarında isə kollegiya biləndə ki, mən iddia ilə məhkəməyə müraciət etmişəm, məni şifahi imtahana dəvət edib. Lakin bilmirəm, məni 2017-ci ildə göndərdiyim müraciətə görə çağırıblar, 2018-ci ildə göndərdiyim müraciətə görə, yoxsa 2019-cu ildə? Qanun ildə bir dəfə müraciət hüququ nəzərdə tutur”, - o bildirib.
Daha sonra Ə. Həsənov məhkəmədə Vəkillər Kollegiyasının onu hansı ildə göndərdiyi müraciətlə bağlı çağırması məsələsinə aydınlıq gətirmək məqsədilə quruma sorğu göndərməsi üçün vəsatət qaldırıb.
Prosesdə iştirak edən Vəkillər Kollegiyasının nümayəndəsi bildirib ki, Ə.Həsənov ilk müraciəti 2017-ci ilin dekabrında göndərib və onun baxılmasına 2018-ci ildə başlanılıb: “Ona görə də bunu 2018-ci ilin müraciəti kimi qəbul etmək lazımdır. Kargüzarlıq daxil olmuş müraciəti qeydiyyata alıb. Həmin dövrdə qəbul imtahanlarının sayı məhdud idi. Həsənovun müraciətlərinə cavab verilib və dəfələrlə izah olunub ki, əvvəl vəkil işləyən şəxslər müsahibə komissiyayasına sənədlər verməlidir. Sənədlər demək olar ki, eynidir”.
Ə.Həsənov isə bildirib ki, kollegiya üç müraciəti birləşdirib bir cavab verib, amma qanunla hər müraciətə ayrıca cavab verməlidir.
Məhkəmə yerində müşavirə edərək vəsatətin təmin edilməsi ilə bağlı qərar verib. Məhkəmə bildirib ki, Vəkillər Kollegiyasına 2017-2020-ci illərdə Ə. Həsənovun hansı müraciətlərə cavab verilməsi və 2018-2019-cu illərdə əvvəl vəkil olmuş şəxslər üçün imtahan keçirilib-keçirilməməsi ilə bağlı sorğu göndəriləcək.
Məhkəmə prosesi martın 30-da davam edəcək.
*Əlayif Həsənov vətəndaş fəallarının hüquqlarının müdafiəsi ilə tanınır. O, hüquq müdafiəçisi Leyla Yunusun hüquqlarının müdafiəsində iştirakı zamanı Vəkillər Kollegiyasından kənarlaşdırıllıb. Buna L.Yunusun kamera yoldaşının hədələrinə məruz qalması barədə bəyanatının vəkil tərəfindən açıqlanması səbəb olub. –06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz