Azərbaycanın sabiq prezidenti mərhum Əbülfəz Elçibəyin qardaşı Almurad Əliyev heç vaxt qardaşından zəhərlənməsi haqqında heç nə eşitməyib.
“Elə söhbət olmayıb. Elçibəy mənə zəhərlənməsi ilə bağlı heç nə deməyib”.
O, Əbülfəz Elçibəyin zəhərlənməsi faktı ilə bağlı Bakı şəhər prokurorluğunda qaldırılan cinayət işi ilə bağlı rəsmi orqanlar tərəfindən məlumatlandırılmayıb. “Bu barədə xəbərləri mətbuatdan oxuyuram. Məni istintaqa çağırmayıblar. Cinayət işi qaldırırlar, qaldırsınlar. Dövlətdir, ixtiyarı var, gündə yüz dənə cinayət işi qaldırır. Nə olar, qoy araşdırsınlar”.
A.Əliyev bəzi məsələlərlə bağlı vaxtı çatanda açıqlama verəcəyini deyib. Amma, bunun hansı məsələlər olduğunu açıqlamayıb.
Qeyd edək ki, prokurorluq Müasir Müsavat Partiyasının məşhur lideri Hafiz Hacıyevin qalmaqal doğuran bəyanatı əsasında cinayət işi açıb. O, Elçibəyin ölümündən əvvəl hazırki AXCP lideri Əli Kərimlinin onu zəhərlədiyini dediyini iddia edir.
Kərimli və digər müxalifət liderləri bunu 2013-cü il prezident seçkiləri ərəfəsində hakimiyyətin təxribatı kimi qiymətləndiriblər. -03B06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz