Bu gün 5,5 il müddətinə azadlıqdan məhrum edilən NİDA fəalı Elgiz Qəhrəmanlı son sözündə bildirib ki, ona qarşı cinayət işi saxtalaşdırılıb.
O, “şahid” adlandırılan şəxsləri ancaq DİN Baş Mütəşəkkil Cinayətkarlığa Qarşı Mübarizə İdarəsində (BMCQMİ) görüb.
Növbəti gün onun evinə üç nəfər gələrək özlərinin qoyduqları kitabları “götürüblər”. Kitablardan biri rus dilində olub. Fəal rus dilini bilmədiyini deyib.
BMCQMİ-də dindirməyə gəlincə, fəal deyib ki, polislər orada onu döyüblər. BMCQMİ şöbə rəisi Kərim Əlimərdanovun kabinetində həm Quran, həm də dəyənək olub.
E.Qəhrəmanı Apellyasiya Məhkəməsinə buraxmayıblar. Onun həbslə bağlı şikayətinə orada baxılır.
“Məni narkotik maddə alverində ittiham ediblər. Əgər belədirdə niyə məni narkotik maddə satarkən tutmayıblar? Mən məntiq müəllimiyəm. Məni tutanda "Facebook" hesabımı aldılar, paylaşmalarıma baxdılar”, - fəal bildirib.
Ondan Türkiyədə təhsil alıb-almaması, Allaha inanıb-inanmaması barədə soruşublar. Bundan sonra qərara alıblar ki, o, Gülənçidir.
“Sonra başa düşdülər ki, bu ittiham gülüncdür, narkotik maddə ittihamını irəli sürdülər. Məni 14 hərfdən ibarət 4 sözə görə həbs ediblər. Mən polisdən soruşdum ki, məni nəyə görə həbs edirlər. Polis dedi: “Sən günahkar deyilsən, ancaq təhlükəli adamsan”. Mənim həbsim siyasi sifarişdir, qərəzli və qanunsuzdur. Odur ki, mənə bəraət verilməsini xahiş edirəm”, - E.Qəhrəman bildirib.
Xatırladaq ki, E.Qəhrəman Facebook-da prezident İlham Əliyevin oğlunu şah İsmayılla müqayisə edib.—36C06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz