Elgiz Qəhrəmanovun işi birinci instansiya məhkəməsinə qaytarılıb
Bu gün Bakı Apellyasiya Məhkəməsində Sahibxan Mirzəyevin sədrliyi ilə böyük ölçüdə narkotik maddələrin qanunsuz dövriyyəsi ittihamı ilə 5,5 il müddətinə azadlıqdan məhrum edilmiş NİDA hərəkatının fəalı Elgiz Qəhrəmanın işi üzrə hazırlıq iclası başlayıb.
İclasda vəkil Fariz Namazlı birinci instansiya məhkəməsinin protokollarında bir sıra şahid ifadələrinin, xüsusən Ekspertiza Mərkəzinin əməkdaşı Gülşən Hümbətovanın cavablarının olmadığı barədə iradlar təqdim edib.
Müdafiə tərəfi sözügedən iradlarla əlaqədar işin Bakı Ağır Cinayətlər Məhkəməsinə qaytarılmasını xahiş edib. Dövlət ittihamçısı Rəsul Abbasov etiraz etməyib.
BAM işin Bakı Ağır Cinayətlər Məhkəməsinə qaytarılması və şikayətə baxılmasının birinci instansiya məhkəməsi iradlara münasibət bildirənə qədər təxirə salınması barədə qərar qəbul edib.
Qəhrəman 2016-cı il avqustun 12-də böyük ölçüdə narkotik maddələrin qanunsuz dövriyyəsi ittihamı ilə həbs olunub. 2017-ci il yanvarın 16-da Bakı Ağır Cinayətlər Məhkəməsi onu 5,5 il müddətinə azadlıqdan məhrum edib.
NİDA hərəkatı Qəhrəmanın həbsinin siyasi motivli olduğunu bəyan edib, həbsin əsl səbəbinin facebook-da İlham Əliyevin oğlunu istehza ilə dahi dövlət xadimi şah İsmayıl Xətai ilə müqayisə etməsi olduğunu bildirib.
Qəhrəman yerli hüquq müdafiə təşkilatları tərəfindən siyasi məhbus kimi tanınıb. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz