![Ərdoğan Moskvaya gedir](https://turan.az/resized/media/2017/main/030900185175-750-500-resize.webp)
Martın 10-da Türkiyə prezidenti Rəcəb Tayyip Ərdoğan RF prezidenti Vladimir Putinin dəvətilə Rusiyaya gedəcək. O, RF və Türkiyə arasında yüksək səviyyəli Əməkdaşlıq Şurasının iclasında iştirak edəcək,
Kremlin məlumatında deyilir ki, iki ölkə lideri Rusiya-Türkiyə münasibətlərini müzakirə edəcək, qarşılıqlı faydalı ticari-iqtisadi əlaqələrin bərpası məsələsinə toxunacaqlar. Həmçinin gündəliyə Türkiyənin ilk AES-i “Akkuyu” və “Türk axını” qaz kəmərinin inşası üzrə birgə layihələrin reallaşması daxildir.
Regional məsələlərə, ilk növbədə beynəlxalq terrorizmə qarşı mübarizə və Suriya böhranının nizamlanmasına dair fikir mübadiləsi də nəzərdə tutulur.
Sammitin yekunlarına əsasən bir sıra ikitərəfli sənədlərin imzalanması gözlənilir.
Öz növbəsində Türkiyə KİV-i bildirib ki, səfər zamanı təkcə iqtisadi məsələlər deyil, həm də 2020-ci ilədək texniki və mədəni əməkdaşlığın aspektlərinin müzakirəsi planlaşdırılır.
Martın 10-da müzakirələr zamanı imzalanmaya hazır olan sənədlər sırasında Türkiyə və Rusiya Birgə İnvestisiya Fondu haqqında protokol var. Rusiya tərəfdən təsisçi Rusiya Birbaşa İnvestisyalar Fondu, Türkiyə tərəfdən Milli Rifah Fondu olacaq”, - Rusiyanın energetika naziri Novak “Anadolu” agentliyinə bildirib.
Bundan əlavə, 2019-cu ilin ikitərəfli əsaslarla Türkiyə və Rusiya Mədəniyyət və Turizm İli elan edilməsi haqqında saziş imzalanmaya hazırdır. Sənədi iki ölkənin mədəniyyət və turizm nazirləri imzalayacaqlar.
“Türk axını” layihəsinə toxunan Novak deyib ki, qaz kəməri layihəsi üzrə işlər qrafikə əsasən gedir. “Buna görə türkiyəli tərəfdaşlara minnətdaram. Boru kəmərinin ilk qolunun inşası üçün normativ baza artıq hazırdır. Qaz kəmərinin ilk qolu 2019-cu ilin sonlarında işə salınacaq”, - o bildirib.
“Hazırda Rusiya və Türkiyə ikinci qolun inşasına dair qrafiki razılaşdırır. Bu qol ilə Rusiya qazı Türkiyə-Yunanıstan səhəddinə nəql ediləcək. Digər məsələlər sırasında marşrut mövzusu da müzakirə olunur. Həmçinin İtaliyaya qaz nəqli üçün “Poseydon” boru kəmərindən istifadə məsələsi nəzərdən keçirilir. Bununla əlaqədar Yunanıstanın DEPA və İtaliyanın Edison şirkətləri ilə əməkdaşlıq persektivləri öyrənilir”, - Novak bildirib.
Onun sözlərinə görə, layihəyə Macarıstan və Serbiya kimi ölkələr maraq göstərirlər. “Əgər qaz nəqlilə bağlı satınalmalara, həcm və qrafikə dair zəmanət əldə etsək, Türkiyə və Rusiya arasında ikinci qol üzrə saziş məsələsi aktuallaşacaq”, - nazir qeyd edib.-02D-
-
- İqtisadiyyat
- 9 Mart 2017 13:48
-
- Cəmiyyət
- 9 Mart 2017 15:16
Dünyada
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
-
Çinin xarici işlər naziri Van İ çərşənbə günü ukraynalı həmkarı Dmitri Kuleba ilə ilk görüşündə Çinin Ukraynada atəşkəs və sülh danışıqlarının bərpası istiqamətində çalışacağına söz verib.
Rəy yaz