Əli Əliyev
Bakı/05.04.22/Turan: Sərhəd Xidmətinin kapitanı Ramin Ədilovun Vətəndaş İnkişafı Partiyasının (VİP) lideri Əli Əliyevə qarşı iddiası üzrə aprelin 4-nə təyin edilmiş məhkəmə iclası dördüncü dəfə təxirə salınıb.
Xatırladaq ki, Əliyev digər sərhədçi Emil Cəfərovun bənzər şikayəti əsasında 5 ay müddətinə azadlıqdan məhrum edilib.
Yanvarın 13-də Bakının Yasamal rayon məhkəməsi Əliyevi böhtanda təqsirli bilib. İddiaya Əliyevin Sərhəd Xidmətinin qəzaya uğrayan Mi-17 helikopterində sağ qalanların ola biləcəyinə şübhəsini dilə gətirdiyi müsahibəsi səbəb olub. Cəfərov və Ədilov bu qəzada sağ qalıblar və Əliyevin ifadələrini böhtan kimi qiymətləndiriblər.
Əliyev ictimaiyyətə müraciətində ikinci sərhədçinin şikayəti üzrə prosesin yanvarın 13-dən etibarən 4-cü dəfədir təxirə salındığına və indi iclasın aprelin 22-nə keçirildiyinə diqqət çəkib.
"Mən başa düşürəm ki, iclasların təxirə salınması mənə siyasi və mənəvi-psixoloji təzyiqdir", deyə Əli Əliyev ictimaiyyətə müraciətində qeyd edib.
Əliyev barəsində ikinci məhkəmənin birinci müddət başa çatdıqdan sonra hökm çıxarılması və bununla da onun həbs müddətinin uzadılması üçün qəsdən yubadıldığını təxmin etmək olar.
Birinci iş üzrə cəza müddəti mayın 13-də başa çatır. Müdafiə tərəfi hesab edir ki, Əliyevin işi üzrə eyni əməllə bağlı təkrar məhkəmə keçirilməsi mənasızdır. Vəkillər artıq şikayətlərin bir icraatda birləşdirilməsi barədə vəsatət qaldırıblar, amma vəsatətləri təmin edilməyib.
Müdafiə tərəfi Əliyevin irəli sürdüyü təxminlərə görə cinayət qaydasında cəzalandırılması ümumiyyətlə qanunsuzdur və bu, Avropa İnsan Hüquqları Konvensiyasına və AİHM-nin presedent qərarlarına ziddir. -В06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz