Bu gün Bakı Ağır Cinayətlər Məhkəməsində hakim Ramella Allahverdiyevanın sədrliyi ilə “Texnikabank”ın iqtisadi cinayətlərdə ittiham olunan işçilərinin işi üzrə proses başa çatıb.
Məhkəmə bankın İdarə Heyətinin sabiq sədri Samir Hüseynovu 8 il, İdarə Heyətinin sabiq sədr müavini Nicat Abdullayevi 8 il (o başqa yerə getməmək barədə iltizam altında olub və məhkəmə zalında həbs edilib), Elnur İsmayılovu 8 il, Polad Talıbovu 7 il 3 ay, Zülfüqar Zülfüqarlını 7 il 3 ay müddətinə azadlıqdan məhrum edib.
Həbs olunanlar arasında AXCP lideri Əli Kərimlinin qaynı Elnur Seyidov (7 il 6 ay) da var. O, bankın Yasamal filialının rəhbəri olub.
Onlar Cinayət Məcəlləsinin 178 (dələduzluq), 308 (vəzifə səlahiyyətlərindən sui-istifadə), 313 (vəzifə saxtakarlığı), 320-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, hazırlama, satma və saxta sənədlərdən istifadə etmə) və digər maddələri ilə təqsirli biliniblər.
Vəkil Əsabəli Mustafayev Turan-a bildirib ki, E.Seyidovun günahı sübuta yetirilməyib, o, Ə.Kərimlinin qohumu olduğuna görə siyasi motivlərlə təqib olunur. Vəkilin sözlərinə görə, hökmdən şikayət veriləcək.
Bankın Müşahidə Şurasının keçmiş rəhbəri Etibar Əliyevin və Yasamal filialının rəhbərinin barəsində cinayət işinə ayrıca baxılacaq. -16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz