• contact.az Contact
  • Bakı
  • Partly cloudy11.20 C
  • Çərşənbə, 13 Noyabr 2024
    • flag_EN
    • flag_RU

Son yenilənmə

(6 d. əvvəl)
Elmar Hüseynovun ölümü əks təsirə səbəb oldu
A- A A+
EN RU
Turan İnformasiya Agentliyi
Turan İnformasiya Agentliyi

Elmar Hüseynovun ölümü əks təsirə səbəb oldu

Bu gün Azərbaycanda söz azadlığının müdafiəçiləri 8 il əvvəl qətlə yetirilmiş “Monitor” jurnalının redaktoru Elmar Hüseynovun xatirəsini yad ediblər. Bu ənənəvi aksiya azadlıq və demokratiya idealları uğrunda mübarizə aparanları Elmarın qəbri başında

toplayır.
 
Redaktorun ölümünün ildönümü ərəfəsində cinayətkarların axtarışı barədə ənənəvi və nəticəsiz bəyanat verib. Bu, artıq cəmiyyətin etibarına səbəb olmur.
 
“MTN-in mətbuat katibi bildirib ki, cinayətkarların təxminən 8 il əvvəl elan edilmiş axtarışı hələlik heç bir nəticə verməyib. Lakin, məlumdur ki, hələ o vaxt Türkiyə istintaq qrupu Azərbaycan rəhbərliyinə cinayətin təşkilatçılarının və icraçılarının adlarını vermişdi”, deyə Elmarın dostu, “Qanun” nəşriyyat evinin direktoru Şahbaz Xuduoğlu bildirib.
 
Müxalif Müsavat Partiyasının sədri İsa Qəmbər Hüseynovun ölümündə birbaşa prezident İlham Əliyevi və onun ətrafındakıları ittiham edib. “Onlar bu cinayəti söz azadlığını boğmaq məqsədilə törədiblər və buna görə cavab verəcəklər”, deyə o bildirib.
 
2 mart 2005-ci ildə Elmar Hüseynovun qətli jurnalist ictimaiyyətinə əlavə olaraq qorxu və özünüsenzura elementləri gətirdi. Bu, hakimiyyətin KİV üzərində total nəzarət qurmasını asanlaşdırdı. Amma çıxış edənlər qeyd ediblər ki, bu taktika müvəqqəti təsir göstərib. İnternetin inkişafı və yeni gənclər nəslinin ön səhnəyə çıxması hakimiyyətin bu səylərini boşa çıxarıb.
 
“Elmar Hüseynovun ölümü əks təsir göstərib. O, Azərbaycanda azad cəmiyyətə yol göstərən yanan məşəl rəmzinə çevrilib”, deyə Turan agentliyinin direktoru Mehman Əliyev bildirib.
 
Maraqlıdır ki, Elmarın qəbri başında toplaşanlar arasında onun yaradıcılığını və vətəndaş mövqeyini kəşf etmiş çox sayda gənclər var idi. “Onun “Çılpaq kral” məqaləsi-həcvi məndə jurnalistikaya gəlmək həvəsi yaratdı”, deyə gənc reportyor Pərviz Əzimov bildirib.
 
Ötən illərdə olduğu kimi, Elmarın başdaşının yanında atası Sabir Hüseynov dururdu, ona sarsılmazlığına və belə bir oğul yetişdirdiyinə görə təşəkkür ediblər.
 
Şənbə günü axşam saat 20.00-da Elmarın yaşadığı və qətlə yetirildiyi evin qarşısında anım – şam yandırma mərasimi keçiriləcək.
 
“Monitor” jurnalının redaktoru Elmar Hüseynov mənzilinin kandarında naməlum şəxs tərəfindən güllələnib.Cinayətkar ona tapançadan 7 dəfə güllə açıb. Bir müddət sonra hakimiyyət qətli əslən azərbaycanlı olan Gürcüstan vətəndaşları – Teymuraz Əliyev və Tahir Xubanov törədiblər. Lakin Gürcüstan hakimiyyəti bu şəxslərin qətldə iştirakının dəlili olmadığı üçün onları təhvil verməkdən imtina edib.
 
Sonradan qanqster qrupunun başçısı, eyni zamanda DİN-in Cinayət-Axtarış şöbəsinin keçmiş rəisi Hacı Məmmədov bu qətlin təşkili barədə danışıb. Lakin hakimiyyət onun bəyanatını indiyədək təhqiq etməyib.
 
Daha bir versiyanı jurnalist Eynulla Fətullayev irəli sürüb. O, qətlin Milli Təhlükəsizlik Nazirliyinin polkovniki Akif Çovdarov tərəfindən təşkil edildiyini, sonuncunun 2007-ci ildə həbs edilmiş Fətullayevin saxlandığı MTN təcridxanasında bunu ona şəxsən etiraf etdiyini iddia edib. -0-
 

Rəy yaz

Cəmiyyət

Bizi sosial şəbəkələrdə izləyin

Xəbər lenti