Elmar Vəliyev İsrailə göndərilib
Bakı /06.07.18/Turan: Gəncə Şəhər İcra Hakimiyyətinin başçısı Elmar Vəliyevə silahlı hücumdan üç gün keçsə də rəsmi orqanlar rezonans doğurmuş cinayətin motivləri, ölkənin ikinci böyük şəhərinin rəhbərinin səhhəti barədə məlumat vermirlər.
Səhiyyə Nazirliyi bildirir ki, istintaq getdiyindən məlumatları yoxdur.
Lakin E.Vəliyevin yaxın qohumu Turan-a bildirib ki, gecə onu İsrailə müalicəyə göndəriblər. Mənbənin sözlərinə görə, "o, özünə yeni gəlib".
Şahidlərin sözlərinə görə, E.Vəliyev güllə yarası almayıb, qarnına güllə dəydikdən sonra pilləkandan yıxılıb başından ağır zərbə alıb.
Mənbənin məlumatına görə, cangüdən iki güllə yarası alıb. Onlardan biri onun qarnına, digəri üzünə dəyib. Vəziyyəti qənaətbəxşdir, Gəncədə müalicəsi davam edir.
Atəş açan Yunis Səfərovun şəxsiyyətinə aydınlıq gətirilməyib.
Azərbaycan prezidentinin köməkçisi Əli Həsənov E.Vəliyevə hücumu "adi kriminal" adlandırıb.
Digər versiyaya görə, Y.Səfərov şəhər administrasiyasına şikayətə gələn bacısını təhqir etdiyinə görə E.Vəliyevdən qisas alıb.
Sosial şəbəkələrdə Y.Səfərovun həyat yoldaşı olduğunu bildirən qadının audioyazısı yayılıb. Onun silahlı hücum etməsinin səbəbi dindarların və imam Hüseyni təhqir etməsinə görə qisas almasıdır. Bu qadın "bacıya görə qisas almaq" versiyasını inkar edib. Onun dediklərinə görə, Gəncədə Y.Səfərovun yaxın qohumu yoxdur.
Bədənində zorakılıq izləri olan Y.Səfərovun fotosunun yayılması sosial şəbəkə istifadəçilərini qəzəbləndirib.
Hüquq-mühafizə orqanları öncə fotonun gerçək olduğunu inkar ediblər. Lakin sonradan DİN mətbuat xidmətinin rəhbəri Ehsan Zahidov fotonun Y.Səfərova aid olduğunu bildirib. Bədən xəsarətlərini polis əməkdaşlarına müqavimət göstərərkən alıb.
O zaman sual yaranır - Polis İdarəsindən foto sosial şəbəkələrə necə düşüb?
Y.Səfərovun bir neçə ay öncə polis əməkdaşının silahını əlindən alması, barəsində axtarış olmasına baxmayaraq, Azərbaycandan getməsi və başqa pasportla qayıtması barədə məlumatlar çoxlu suallar doğurur.-06D--
-
- İqtisadiyyat
- 6 İyul 2018 14:00
-
- Cəmiyyət
- 6 İyul 2018 14:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz