14 saylı cəzaçəkmə müəssisəsində vəfat etmiş Elşad Babayevin bacısı Simuzər Babayeva yanvarın 29-da baş prokurorun birinci müavini Rüstəm Usubov tərəfindən qəbul edilib. Görüşdə həmçinin Baş Prokurorluğun istintaqa nəzarət şöbəsinin rəisi Nazim Abbasov, Bakı şəhər prokurorunun müavini Azər Əsgərov və Qaradağ rayon prokurorluğunun müstəntiqi Eyyub Bəşirov da iştirak edib. Bu barədə Turan-a S.Babayeva özü bildirib.
Usubov bildirib ki, faktla bağlı 309.1-ci (vəzifə səlahiyyətlərini aşma) maddə ilə cinayət işi açılıb. Lakin Babayeva bununla razı olmadığını ifadə edib və istintaqın “özünü öldürmə həddinə çatdırma” və ya “qəsdən adamöldürmə” maddələri ilə aparılmalı olduğunu hesab edir, belə ki, mərhumun cəsədində işgəncə və zorakılıq izləri var.
“Mən həmçinin bu cəzaçəkmə müəssisəsindən azad edilmiş, KİV-də qardaşımın ölümü və ardınca orada məhbusların etirazları haqqında danışan hüquqşünas Qurban Məmmədovun niyə dindirilmədiyini soruşdum. Bundan sonra Usubov müvafiq göstəriş verib”, deyə S.Babayeva qeyd edib.
Onun sözlərinə gör, 14 saylı cəzaçəkmə müəssisəsində əməkdaşların heç biri məsuliyyətə cəlb edilməyib və hətta işdən belə kənarlaşdırılmayıb. Digər məhkumların verdiyi məlumata görə, onun qardaşına qarşı zorakılıq tətbiq edənlər arasında əməkdaşlar Faiq və Firdovsinin adları da çəkilir, amma onlar işləməkdə davam edir.
“Bu gün qardaşımın qırxıdır. Mən geri çəkilmək niyyətində deyiləm və qatillərin cəzalandırılmasına nail olacağam”, deyə S.Babayeva bildirib.
O, həmçinin qardaşının kardiomiopatiyadan vəfat etdiyini hesab edən tibbi ekspertizanın rəyi ilə razı deyil. “Bu, doğru deyil, qardaşımın heç vaxt ürək xəstəliyi olmayıb”, deyə S.Babayeva bildirib. O qeyd edib ki, dekabrın 13-də qardaşı karserə salınıb və amansızlıqla döyülüb. Sonrakı günlərdə də işgəncələr davam edib və məhkuma yemək verməyiblər və həkim çağırmayıblar.
Xatırladaq ki, Babayevin ölümü cəzaçəkmə müəssisəsində məhkumların etirazlarına səbəb olub və iğtişaşlar xüsusi qüvvələr cəlb edilməklə yatırılıb. -06B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz