Bakı/03.07.18/Turan: Nəqliyyat, Rabitə və Yüksək Texnologiyalar Nazirliyi bildirir ki, ölkənin bütün ərazisində telekommunikasiya təchizatının dayanıqlığı təmin olunub.
İyulun 2-dən 3-nə keçən gecədən rabitə müəssisələri gücləndirilmiş iş rejimində fəaliyyət göstərir.
Əlavə enerji qurğularının işə salınması ilə ölkə ərazisində sabit və mobil telefon rabitəsi, İnternet, poçt, televiziya və radio yayımının fasiləsizliyi tam təmin edilib.
"Azərenerji" ASC-nin açıqlamasına görə, hazırda Bakıda elektrik enerjisi tam şəkildə bərpa edilib, rayonlarda isə bərpa işləri 80 faizə çatır.
"Azərbaycan Dəmir Yolları" QSC isə bildirir ki, Bakı-Rostov qatarı vaxtında yola salınıb, eləcə də Bakı-Moskva qatarı artıq Bakıya çatıb.
Bununla birgə Bakı-Sumqayıt-Bakı marşrutunda işləyən elektrik qatarlarının hərəkəti də bərpa olunub və sərnişin sıxlığını aradan qaldırmaq üçün gün ərzində iki dəfə bu istiqamətdə ikiqruplu qatar xəttə buraxılacaq.
Bakı metropolitenindən verilən bilgiyə görə, metronun Bənövşəyi xəttində - "Avtovağzal" və "Memar Əcəmi" stansiyaları arasında hərəkət artıq bərpa olunub və sərnişinlər stansiyadan istifadə edə bilərlər.
"Azərsu"nun məlumatına görə, elektrik enerjisinin kəsilməsi bütün ölkə boyu su təchizatına mənfi təsir göstərib, bununla bütün sutəmizləyici qurğuların, şəhərdaxili nasos stansiyalarının işi dayanıb.
Qeyd edək ki, iyulun 3-ü gecə saatlarında Mingəçevir İES-də 1-ci və 6-cı enerji blokunda partlayış baş verib. Partlayışla əlaqədar ölkənin əksər rayonlarında elektrik enerjisinin verilməsi dayandırılıb.-05D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz