Vəkil Elton Quliyev jurnalist Xədicə İsmayılovaya qarşı irəli sürülmüş ittihamı absurd adlandırıb.
“İttiham tamamilə absurddur. İttiham absurd ehtimallar əsasında irəli sürülüb. Məhkəmənin qərarı əsassızdır və İsmayılovanın jurnalist fəaliyyəti ilə bağlıdır”, deyə vəkil məhkəmə iclasından sonra bildirib.
İsmayılova qara “Mersedes”lə aparılıb. Məhkəmə qarşısında toplaşan tərəfdarları “Xədicə!” şüarı səsləndiriblər. -16/06D-
2014 Dekabr 05 (Cümə) 19:12:08
Səbail rayon məhkəməsi Xədicə İsmayılova barəsində 2 ay müddətinə həbs qətimkan tədbiri seçib.
Ona qarşı 125-ci maddə (intihar həddinə çatdırma) ilə ittiham irəli sürülüb.
İsmayılova jurnalist Tural Mustafayevin intihar cəhdi ilə əlaqədar həbs edilib.
Bu barədə o özü bildirib. Onun sözlərinə görə, istintaq İsmayılovanın onu intihar həddinə çatdırdığı qənaətinə gəlib.
“İstintaq araşdırma mərhələsindədir. Mən istintaq sirrinin yayılmaması ilə bağlı iltizama qol çəkmişəm. Ona görə də ifadəmlə bağlı heç nə deyə bilmərəm. İstintaq yekunlaşdıqdan sonra mətbuata açıqlama verəcəyəm” - deyə Mustafayev meydan.tv-yə bildirib.
İsmayılovanın tanışlarının verdiyi məlumata görə, Mustafayev guya istintaqa İsmayılovanın onu “Azadlıq radiosu”nun Azərbaycan Xidmətində işdən qobduğu haqqında ifadə verib.
Lakin İsmayılova “Azadlıq radiosu”nun Azərbaycan Xidmətinin Bakı ofisinə 2008-2010-cu illərdə rəhbərlik edib və bundan sonra yalnız veriliş aparıcısı olub. -1606D-
2014 Dekabr 05 (Cümə) 15:31:01
Araşdırmaçı-jurnalist Xədicə İsmayılova bu gün Bakı Prokurorluğuna çağırılıb və oradan Səbail rayon məhkəməsinə aparılıb. Məhkəmədə onun barəsində qətimkan tədbiri seçilməsi gözlənilir. Vəkil Elton Quliyev bu məlumatı təsdiq edib.
Bu zaman o, məşğul olduğunu əsas gətirərək, İsmayılovanın hansı iş üzrə prokurorluğa çağırıldığını bildirməyib.
Vəkil İsmayılovanın həbs olunacağını istisna etməyib.
Jurnalist doğmalarından geyim və dərman gətirməyi xahiş edib.
“Azadlıq radiosu”nun məlumatına görə, İsmayılova intihara cəhd etmiş vətəndaş Tural Musrafayevin işi üzrə dindirilməyə çağırılıb. Lakin İsmayılovanı bu işlə necə əlaqəsi ola biləcəyi aydın deyil.
Bir müddət əvvəl – 2014-cü ilin mart-aprel aylarında facebook-da xüsusi xidmətlərin müxalifət nümayəndəsini cəlb etməsi haqqında material nəşr etdiyinə görə “dövlət sirrini yaymaq” haqqında iş üzrə dindirilib. -16D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz