Erkin Qədirli və Mehman Hüseynov
'Erkin Qədirli vicdanlı adamdır, ondan izqoy etmək lazım deyil'
Milli Məclisin REAL Partiyasından olan deputatı Erkin Qədirlinin son açıqlaması geniş rezonans doğurub. Deputat Erkin Qədirli bloqer Mehman Hüseynovun "Mənə bir nəfər deputat adını çəkin, hansı ki, həqiqətən, xalqın səsini qazanıb və Milli Məclisdə oturur" sualına belə cavab verib: "Onu heç özüm haqqında da deyə bilmərəm, çünki demokratik seçki olsa, onda əminliklə demək olardı. Amma demokratik seçki yoxdur axı bizdə".
Bu cavabdan sonra bir çox deputatlar E.Qədirlinin dediklərinə cavab veriblər, hətta İntizam komissiyasının onun məsələsinə baxmasını istəyən də olub.
Amma sosial şəbəkələrdə deputatın açıqlamasını "vicdanlı davranış", "cəsarətli çıxış" kimi dəyərləndirənlər də olub.
Bəzi sosial şəbəkə istifadəçiləri də hesab edirlər ki, əslində indi cəmiyyətdə "demokratik seçki necə olur və onun danılmaz əlamətləri nələrdir" sualına cavab axtarılmalıdır.
Milli Məclisin deputatı Sədaqət Vəliyeva "Turan"a deyib ki, 2020-ci il fevralın 9-da keçirilən növbədənkənar parlament seçkiləri tam demokratik, ədalətli, azad və şəffaf olub: "Seçkilərdə iştirak edən bütün beynəlxalq təşkilatlar, ekzit-pol, müstəqil müşahidə qrupu tərəfindən aparılan monitorinqlər də seçkilərin obyektiv, demokratik keçirildiyini və azad seçki üçün bütün şəraitin yaradıldığını təsdiq edib".
Amma ATƏT-in Demokratik Təsisatlar və İnsan Hüquqları Bürosunun müşahidə missiyası son parlament seçkilərinin beynəlxalq standartlara cavab vermədiyini və bir çox pozuntuların qeydə alındığını açıqlamışdı.
Deputat S.Vəliyeva daha sonra da bunları əlavə edib: "Hansısa bir deputatın "müsahibəsi" bu reallığa kölgə sala bilməz. Bu cür mənasız müsahibələr yalnız və yalnız vaxt itkisidir və seçkidə iştirak edən seçicilərə qarşı hörmətsizlikdir. Reytinq xatirinə bu cür cılız yollara əl atmaqdansa, faydalı işlərlə məşğul olmaq daha yaxşı olardı".
Siyasi şərhçi Vaqif Hacıbəyli isə AzadlıqRadiosuna açıqlamasında xatırladıb ki, E.Qədirli deputat seçiləndə ona sosial şəbəkələrdə də hücumlar var idi: "O vaxt mən onu müdafiə etdim. Açığı, mən gözləyirdim ki, bəzi məsələlərə o daha fəal münasibət bildirəcək və daha fəal siyasi mövqe ortaya qoyacaq, amma, təəssüf ki, bu olmadı. Hər halda, Erkin Qədirli vicdanlı adamdır və ondan izqoy etmək lazım deyil. Ümid edirəm ki, onun bu açıqlamasının cəmiyyətin sağlamlaşmasında müsbət rolu olacaq".
Onun sözlərinə görə, ilk növbədə ictimaiyyətin şüurunda seçki saxtakarlığının ciddi qanun pozuntusu olduğu ilə bağlı düşüncə formalaşmalıdır: "O yoxdur. Çox rahatlıqla, asanlıqla, arxayınlıqla bu cinayətləri törədirlər. Ölkədə demokratik seçkilər keçirilmirsə və, ümumiyyətlə, seçki bir institut kimi ləğv olunubsa, kiminsə ədalətli şəkildə seçildiyini düşünmək yalnız özünü aldatmaq olardı".
V.Hacıbəyli qeyd edib ki, 2020-ci ildə parlament buraxılanda, bəlkə də, hakimiyyətin demokratik seçkilər keçirmək niyyəti var idi: "Amma problem ondadır ki, mövcud siyasi vəziyyət, demokratik şəraitin olmaması Azərbaycanda daha irticaçı, qeyri-sağlam bir parlamentin formalaşmasına gətirib çıxartdı. Çox təəssüflər ki, yeni parlament seçməklə heç bir problem həll olunmadı... ".
-
- Maliyyə
- 27 Yanvar 2023 16:07
Cəmiyyət
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 964
Rəy yaz