Ermənistan hakimiyyəti Elvin İbrahimovun işi barədə

Bakı/19.03.19/Turan: Ermənistan Milli Təhlükəsizlik Xidməti Azərbaycanla sərhəddə saxlanılmış Elvin İbrahimovun təhlükəsizliyinə zəmanət verərək doğmaları ilə görüşünü təmin etməyə hazırdır. Saxlanılan şəxs əməliyyat olunub, vəziyyəti qənaətbəxşdir. Bu barədə erməni ombudsman Arman Tatoyan Tvitter akkauntunda bildirib.

E.İbrahimov martın 16-da yaralanıb və saxlanılıb. Ermənistan Müdafiə Nazirliyinin məlumatına görə, o, sərhəddi pozarkən ayağından yaralanıb.

Həkimlər onu əməliyyat ediblər, vəziyyəti qənaətbəxşdir. A.Totoyan xəstəxanada ona baş çəkdikdən sonra bildirib.

Onun sözlərinə görə, E.İbrahimov ailəsi ilə görüş xahiş edib. "Elvin İbrahimov ailə üzvləri ilə görüşməsinə və ya danışmasına yardım göstərilməsini xahiş edib", - Tatoyanın məlumatında deyilir. O, E.İbrahimovun doğmaları ilə görüşünün mümkünlüyünü Ermənistan Milli Təhlükəsizlik Xidmətinin direktoru Artur Vanesyan ilə müzakirə edib.

"MTX Elvin İbrahimovun ailəsi ilə yazılı, telefon və ya video əlaqəsini təmin etməyə hazər olduğunu bildirib. Bundan əlavə, MTX onun ailəsi ilə Ermənistan ərazisində görüşünü təşkil etməyə, onların təhlükəsizliyinə zəmanət verməyə hazır olduğunu bəyan edib", - Tatoyan deyib.

Onun sözlərinə görə, həbs olunmuş şəxsə ictimai müdafiəçi və tərcüməçi verilib. Ermənistan CM-in 329-cu maddəsinin birinci hissəsi (sərhəddi qanunsuz keçmək) üzrə cinayət işi qaldırılıb.

Xatırladaq ki, bundan öncə Azərbaycan Sərhəd Xidməti bildirib ki, E.İbrahimov ikinci qrup əlildir və psixoloji problemi var. Lakin Sərhəd Xidməti puhi-əsəb xəstəsinin sərhəddi necə keçdiyini açıqlamayıb.-02D-