Ermənistanın dövlət borcu beş ildə iki dəfə artıb

Yerevan/05.06.13/Turan-Armİnfo: Ermənistanın xarici borcu artmaqda davam edərək, 3,6 mlrd. dollar təşkil edib və ölkənin qızıl-valyuta ehtiyatlarından iki dəfə çox olub.

Beş il əvvəl qızıl-valyuta ehtiyatları xarici borcun yarısından çoxunu qarşılayırdı, amma bu gün bu ehtiyatlar xarici borcun yarısını belə ödəmir, ən yaxşı halda 44%-dən söhbət gedə bilər.

Bu il aprelin sonlarında ölkənin ÜDM-lə xarici borcu təxminən 37% təşkil edir.

Ekspertlər hesab edirlər ki, xüsusi borc yükü adambaşı 1200 dollar olmaqla paylanıb, həm də son beş ildə o, 2 dəfədənçox artıb (2009-cu ildə 550 dollar). Ermənistan əhalisinin rəsmi məlumatlardan xeyli az olmasına səbəb olan yüksək miqrasiyanı da nəzərə alsaq, adambaşı xarici borc yükü 1800 dollardan çoxdur.

Xarici borc strukturunda 86%-dən çoxu və ya 3,1 mlrd. dollar hökumətin, qalan təxminən 14% və ya 552 mln. dollar isə Mərkəzi Bankın payına düşür.

1 may 2013-cü ilə olan məlumata görə, Ermənistanın ümumi dövlət borcu 1,7 trln. dram və ya 4,3 mlrd. dollar təşkil edib.

Daxili dövlət borcunda dövlət istiqrazlarının xüsusi çəkisi 98%-dən çoxdur, qalan təxminən 2% isə ticarət kreditləridir.

Qeyd edək ki, 1 yanvar 2013-cü ilə olan məlumata görə, Ermənistanın ümumi dövlət borcu 1,8 trln. dram və ya 4,4 mlrd. dollar təşkil edib, bu zaman xarici borc 3,7 mlrd. dollara, daxili borc isə 631 mln. dollara bərabər olub. -02В-