Ermənistanın Müdafiə Nazirliyi Bakını ittiham edir
Yerevan/02.08.14/Turan-Armİnfo: Ermənistanın Müdafiə Nazirliyi bəyanatla çıxış edərək, Bakını vəziyyəti gərginləşdirmək cəhdlərindən imtina etməyə və təmas xəttində vəziyyətin sabitləşdirilməsi üzrə addımlar atmağa” çağırıb.
Son günlər Azərbaycan hərbiçiləri aramsız olaraq erməni silahlı qüvvələrinin mövqelərinə nüfuz etməyə çalışırlar, bu zaman böyükçaplı silah növlərindən, qumbaraatanlardan, minaatanlardan, zenit toplardan istifadə olunur.
“Bu əməllər ATƏT MQ çərçivəsində nizamlanma üzrə danışıqların əhval-ruhiyyəsinə və məntiqinə ziddir və genişmiqyaslı döyüş əməliyyatlarına keçə bilər”, deyə bəyanatda qeyd edilib.
Qeyd edək ki, Azərbaycanın Müdafiə Nazirliyi bütün bu ittihamları təkzib edərək, məhz Ermənistan tərəfin atəşkəsi pozduğunu və Azərbaycan tərəfə diversiya qrupları göndərdiyini bəyan edib. -02D-
-
- Söz istəyirəm
- 2 Avqust 2014 15:37
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz