- Söz istəyirəm
- 2 Avqust 2014, 14:19
- 39
Bu gün Azərbaycan səhəri 11 hərbçisinin şəhid olması ilə açdı. Buna baxmayaraq bütün telekanallarda standart şou proqramlara, konsertlərə ara verilməyib
Milli Fikir Mərkəzinin idarə heyətinin üzvü, gənc məşhur repçi "Kabus" sosial şəbəkədə hər kəsi telekanalları boykot etməyə çağırıb. O, facebook sosial şəbəkəsində "event" yaradaraq hər kəsi telekanalların bu sayğısızlığına qarşı susmamağa dəvət edib:
"Bir gecəyə Azərbaycan Ordusu 11 şəhid verib. Buna baxmayaraq Azərbaycan telekanalları insanların vətənpərvərlik ruhunu öldürmək üçün, insanları millətindən, dövlətindən diksindirmək üçün səhər saatlarından ancaq şou proqramlar, konsertlər veriblər.
"Döyüş alnınıza yazılıb" deyənlərdən və ümumiyyətlə bütün telekanallardan soruşuram: döyüş sizin haranıza yazılıb?
Mən bütün telekanalları sosial şəbəkə vaxitəsilə boykot etməyə çağırıram".
Bundan başqa o, facebook sosial şəbəkəsində səhifəsində günün axı xəbəri ilə bağlı status yazaraq, Azərbaycanın belə məsələlərə görə susmasını pisləyib:
"Bundan əmin olun, zəiflərin, iradəsi, gücü olmayanların yanında heç kim dayanmır"
"Bu müharibədir. Ermənistanın lehinə davam edən, Azərbaycanın qəbul etmədiyi, qəbul etməkdən qorxduğu bi müharibə... Azərbaycan dövləti özünün qorxaq bir məktəb uşağı kimi aparır. Başından qapaz vururlar, o da gedib böyüklərə xəbər eləyir.
Özü düşmənin cavabını verə bilmir. Elə bilir ki, beynəlxalq təşkilatlar kömək edəcək. Bundan əmin olun, zəiflərin, iradəsi, gücü olmayanların yanında heç kim dayanmır. Siz bütün bunlara baxmayaraq bu dövlətə bu qədər inamsızlığın olduğu vaxtda belə bir gecəyə uğrunda 11 insanın canından keçdiyi bir vətənin ölkənin idarəçilərisiniz. Biz dövlətdən vaz keçmirik, amma dövlət də bu vətəndan vaz keçməsin.
Tanrı şəhidlərin ruhunu azad etsin! Onlar ölümsüzləşdilər!"
Söz istəyirəm
-
Bakını qərq etməkdə olan miqyaslı daşqın ərəfəsində Buzovna qəsəbəsində narahatedici hadisə baş verdi, Lada Priora avtomobili qarşısındakı yolu dağıdaraq sanki yerin altına girdi. Sürücü möcüzəvi şəkildə sağ qaldı, lakin ədalətə nail olacağına and içdi və "Azərsu" ASC-dən - dərin kök salmış korrupsiya ilə tez-tez assosiasiya olunan dövlət su təchizatı və kanalizasiya şirkətindən prokurorluğa rəsmi şikayət verəcəyini vəd etdi.
-
Necə bir acizlikdir, bir gecə yağan yağışda tuneldə qalan adamı xilas etmək olmadı. Bir gün sonra meyiti tapılır. Gecə onu qurtarmağa gedən başqa bir vətəndaş çarəsizcə geri qayıdır.
-
Mir Cəfər Bağırov “Kitabi Dədə Qorqud”u da həbs etdi.
-
Azərbaycan Respublikasının Prezidenti cənab İlham Əliyevə
Rəy yaz