Əsabəli Mustafayev siyasi məhbuslar üzrə işçi qrupuna vəkillərin daxil olunmasını təklif edir
Siyasi məhbuslar üzrə yaradılan işçi qrupuna vəkillər də daxil edilməlidir. Bu ideya ilə Demokratiya və İnsan Hüquqları Resurs Mərkəzinin rəhbəri, vəkil Əsabəli Mustafayev çıxış edib. O, həmkarlarını Avropa Şurası rəhbərliyinə kollektiv məktubla müraciət etməyə çağırıb.
Vəkillərin maraqlı tərəflər olması barədə mümkün əks-dəlillərə gəlincə, Ə.Mustafayev vəkillərin AŞ eksperti qismində dəvət olunmasını təklif edib.
Ə.Mustafayev işçi qrupuna özünün, həmçinin Xalıq Bağırov, Nemət Kərimli və Azərbaycan Hüquqşünaslar Assosiasiyasının rəhbəri Ənnağı Hacıbəylinin namizədliyini irəli sürüb.
N.Kərimli bu ideyanı dəstəkləyib. O qeyd edib ki, işçi qrupunda vəkillər mütləq olmalıdır. O, qrupda iştiraka hazıdır, lakin hər şey işçi qrupunun formatından aslı olacaq. “Əgər qrupda əksəriyyət hökumətyönlü şəxslər olacaqsa, bir və ya bir neçə vəkilin iştirakının mənası yoxdur”, - N.Kərimli bildirib.
X.Bağırov hesab edir ki, əgər işçi qrupu yaradılırsa, o zaman qrup siyasi məhbusları müdafiə edən vəkillərlə əməkdaşlıq etməlidir.
“Vəkillər maraqlı tərəflər adlandırıla bilər. Lakin əgər işçi qrupu siyasi məhbusların işlərini araşdırırsa vəkilləri də dinləməli, onlara suallar verməlidir”, - X.Bağırov vurğulayıb.
Ə.Hacıbəyli hesab edir ki, işçi qrupunda iştirak mənasızdır. “Öz bəyanatları ilə siyasi məhbusların azadlığına əngəl törədən adamlarla birlikdə işləməyin mənası yoxdur”, - o qeyd edib.—06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz